အငယ်တန်းစာရေး၊ စစ်ဆေးရေးမှူး-၄၊ ယာဉ်မောင်း-၅၊ ရုံးအကူ/စာပို့၊ လုပ်သား(လုံခြုံရေး)၊ သန့်ရှင်းရေးအကူနှင့် အစောင့်ရာထူးနေရာများအတွက် ရွေးချယ်ခံရသူများစာရင်းထုတ်ပြန်ခြင်း

ပြည်ထောင်စုသမ္မတမြန်မာနိုင်ငံတော်အစိုးရ

စီမံကိန်းနှင့်ဘဏ္ဍာရေး၀န်ကြီးဌာန

ပြည်တွင်းအခွန်များဦးစီးဌာန

အငယ်တန်းစာရေး၊ စစ်ဆေးရေးမှူး-၄၊ ယာဉ်မောင်း-၅၊ ရုံးအကူ/စာပို့၊ လုပ်သား(လုံခြုံရေး)၊ သန့်ရှင်းရေးအကူနှင့် အစောင့်ရာထူးနေရာများအတွက် ရွေးချယ်ခံရသူများစာရင်းထုတ်ပြန်ခြင်း

( ၁၃၈၀  ပြည့်နှစ်၊  ပြာသိုလပြည့်ကျော်     ၅    ရက် )

( ၂၀၁၉  ခုနှစ်   ဇန်နဝါရီလ   ၂၅   ရက် )

၁။        စီမံကိန်းနှင့်ဘဏ္ဍာရေးဝန်ကြီးဌာန၊ ပြည်တွင်းအခွန်များဦးစီးဌာနတွင် လစ်လပ်လျက်ရှိသည့် လစာနှုန်းကျပ် (၁၈၀၀၀၀-၂၀၀၀-၁၉၀၀၀၀)ရရှိသော အငယ်တန်းစာရေး၊ စစ်ဆေးရေးမှူး-၄ ရာထူး နေရာများနှင့် လစာနှုန်းကျပ် (၁၄၄၀၀၀-၂၀၀၀-၁၅၄၀၀၀) ရရှိသော ရုံးအကူ/စာပို့ ရာထူးနေရာများ အတွက် ရေးဖြေအောင်မြင်သူများအား လူတွေ့စစ်ဆေးခြင်းနှင့် ကွန်ပျူတာကျွမ်းကျင်မှု စစ်ဆေးခြင်း တို့ကို ၉-၁-၂၀၁၉ ရက်နေ့တွင် လည်းကောင်း၊ လစာနှုန်းကျပ် (၁၆၂၀၀၀-၂၀၀၀-၁၇၂၀၀၀) ရရှိသော ယာဉ်မောင်း- ၅ ရာထူးနေရာများနှင့် လစာနှုန်းကျပ်(၁၄၄၀၀၀-၂၀၀၀-၁၅၄၀၀၀) ရရှိသော လုပ်သား (လုံခြုံရေး)၊ သန့်ရှင်းရေးအကူနှင့် အစောင့်ရာထူးနေရာများအတွက် လူတွေ့စစ်ဆေးခြင်းအား ၁၅-၁၀-၂၀၁၈ ရက်နေ့တွင် လည်းကောင်း တိုင်းဒေသကြီး/ပြည်နယ်အသီးသီးနှင့် ပြည်ထောင်စုနယ်မြေ အခွန်ဦးစီးဌာနမှူးရုံးတို့၌ ကျင်းပပြုလုပ်ခဲ့ပြီး ရွေးချယ်ခံရသူများ၏ ခုံအမှတ်များအား အောက်ပါအတိုင်း ထုတ်ပြန်ကြေညာလိုက်သည်-

(က)     နေပြည်တော်နှင့်ပြည်ထောင်စုနယ်မြေအတွင်းရှိ ရုံး/ဌာနခွဲများ

( ခ)      ကချင်ပြည်နယ်

( ဂ)      ကယားပြည်နယ်

(ဃ)     ကရင်ပြည်နယ်

( င)      ချင်းပြည်နယ်

( စ)      စစ်ကိုင်းတိုင်းဒေသကြီး

(ဆ)     တနင်္သာရီတိုင်းဒေသကြီး

( ဇ)      ပဲခူးတိုင်းဒေသကြီး

( စျ)      မကွေးတိုင်းဒေသကြီး

(ည)     မန္တလေးတိုင်းဒေသကြီး

( ဋ)      မွန်ပြည်နယ်

( ဌ)      ရခိုင်ပြည်နယ်

( ဍ)     ရန်ကုန်တိုင်းဒေသကြီးအတွင်းရှိရုံးများ

( ဎ)      ရှမ်းပြည်နယ်

(ဏ)     ဧရာ၀တီတိုင်းဒေသကြီး

၂။         ရွေးချယ်ခံရသူများသည် သက်ဆိုင်ရာတိုင်းဒေသကြီး/ ပြည်နယ်နှင့် ပြည်ထောင်စုနယ်မြေအခွန် ဦးစီးဌာနမှူးရုံးများသို့ အောက်ပါစာရွက်စာတမ်းများနှင့်အတူ ၂၉-၁-၂၀၁၉ ရက်(အင်္ဂါနေ့) ရုံးချိန်အတွင်း အချိန်မီသတင်းပေးပို့ရမည်ဖြစ်ပါသည် -

            (က)     နိုင်ငံသားစိစစ်ရေးကတ်ပြား(မူရင်း/မိတ္တူ)

            ( ခ )     တက္ကသိုလ်ဝင်တန်းအောင်လက်မှတ်၊ ဘွဲ့ရလက်မှတ်(မူရင်း/မိတ္တူ)

            ( ဂ )     အလုပ်သမားမှတ်ပုံတင်ကတ်ပြား (မူရင်း)

            (ဃ)     ဒေသန္တရကျန်းမာရေးအဖွဲ့၏ ကျန်းမာကြောင်း ဆေးထောက်ခံချက်(မူရင်း)

            ( င )     ၁ လက်မ x ၁.၂၅  လက်မ အရွယ်အစားရှိ လိုင်စင်ဓာတ်ပုံ(၁၀)ပုံ

၃။        သက်ဆိုင်ရာ တိုင်းဒေသကြီး/ပြည်နယ်နှင့် ပြည်ထောင်စုနယ်မြေအခွန်ဦးစီးဌာနမှူးရုံးများသို့ သတ်မှတ်ထားသော နေ့ရက်တွင် လာရောက်သတင်းပို့ရန် ပျက်ကွက်သူများနှင့် ဌာနမှ သတ်မှတ်ထားသော ကတိဝန်ခံချက်ပုံစံတွင် လက်မှတ်ရေးထိုးခြင်း မပြုနိုင်သောသူများ၏ ရာထူးနေရာများ၌ ဝန်ထမ်းရွေးချယ်ခန့်ထားရေး အမှတ်အများအနည်းအလိုက်တန်းစီဇယားပါ အမှတ်စဉ်များအတိုင်း အစားထိုး ဖြည့်စွက်ရွေးချယ်ခန့်ထားမည်ဖြစ်သည်။

ပြည်တွင်းအခွန်များဦးစီးဌာန