အခွန်ဆိုင်ရာအမေးအဖြေများ အတွဲ (၁၁) (တံဆိပ်ခေါင်းခွန်)

မြန်မာနိုင်ငံ တံဆိပ်ခေါင်းအက်ဥပဒေ၏ နောက်ဆက်တွဲဇယား (၁) စဉ် ၄၀ အရ အပေါင်စာချုပ်ဖြစ်ပါက ၎င်းမှာပိုင်ဆိုင်ကြောင်းပြသည့် စာချုပ်စာတမ်းများ တင်သွင်းခြင်းနှင့်လည်းကောင်း အပေါင်အနှံနှင့်လည်းကောင်း သက်ဆိုင်သည့် သဘောတူစာချုပ် မဟုတ်သည့် အပေါင်စာချုပ်ဖြစ်၍

(က)    အဆိုပါ စာချုပ်တွင် ပါဝင်သော ပစ္စည်းအားလုံးကိုဖြစ်စေ၊ တစ်စိတ် တစ်ဒေသကိုဖြစ်စေ၊ ပေါင်နှံသူက လက်ရှိပေးအပ်လျှင် သို့မဟုတ် ပေးအပ်ရန်သဘောတူလျှင် အဆိုပါစာချုပ်ဖြင့် အာမခံပေးသည့်ငွေနှင့် ညီမျှသော အဖိုးစားနားအတွက် တံဆိပ်ခေါင်းခွန်မှာ ၂ ရာခိုင်နှုန်း ဖြစ်သည်။

(ခ)     အထက်တွင်ဆိုခဲ့သည့်အတိုင်း လက်ရှိမပေးအပ်လျှင် သို့မဟုတ် ပေးအပ် ရန်သဘောမတူလျှင် ၀.၅ ရာခိုင်နှုန်းဖြင့် တံဆိပ်ခေါင်းခွန်ထမ်းဆောင် ရမည်ဖြစ်ပါသည်။