ပြည်တွင်းရှိကုမ္ပဏီတစ်ခုသည် ကုမ္ပဏီပိုင် ဂိုဒေါင်အဆောက်အဦအား ရောင်းချမည်ဖြစ် သဖြင့် ရောင်းချသည့်ဝင်ငွေနှစ်အတွက် တန်ဖိုးလျော့ငွေ အပြည့် သို့မဟုတ် အစိတ် အပိုင်းအား စရိတ်အဖြစ် ခံစားခွင့် ရှိ / မရှိ မေးမြန်းခြင်း။

ဝင်ငွေခွန်စည်းမျဉ်း ၁၃(ဂ)(၃)အရ မတည်အပိုင်ပစ္စည်းကို ဝင်ငွေနှစ်တစ်နှစ်လုံး အခွန် ထမ်း အသုံးမပြုဘဲ ဝင်ငွေနှစ်၏ အစိတ်အပိုင်းတစ်ရပ်၌သာ အသုံးပြုစေကာမူ ထိုနှစ် အတွက် ပစ္စည်းတန်ဖိုး လျော့ငွေအပြည့် နုတ်ပယ်ခွင့် ရှိသည်ဟုလည်းကောင်း၊ စည်းမျဉ်း ၁၃(ဂ) (၄)တွင် ဝင်ငွေနှစ်အတွင်း မတည်ပိုင်ပစ္စည်း အလွှဲအပြောင်းရှိလျှင် ထိုပစ္စည်းကို နောက်ဆုံးဆက်ခံအသုံးပြုသည့် အခွန်ထမ်းအတွက်သာ အဆိုပါတန်ဖိုး လျော့ငွေကို နုတ်ပယ်ခွင့်ရှိသည်ဟုလည်းကောင်း ဖော်ပြထားသဖြင့် အဆောက်အဦ ရောင်းချသော ကုမ္ပဏီသည် ရောင်းချသည့်ဝင်ငွေနှစ်အတွက် တန်ဖိုးလျော့ငွေကို စရိတ်အဖြစ် နုတ်ပယ်ခွင့်မရှိဘဲ နောက်ဆုံးဆက်ခံ အသုံးပြုသူအခွန်ထမ်း၏ လုပ်ငန်း တွင်သာ တန်ဖိုးလျော့ငွေအဖြစ် နုတ်ပယ်ခွင့်ရှိမည်ဖြစ်ပါသည်။