ပြည်တွင်းရှိကုမ္ပဏီတစ်ခုက ၂၀၁၅ ခုနှစ်မှ စတင်ဖွဲ့စည်းခဲ့ပြီး ၎င်းကုမ္ပဏီအနေဖြင့် ဝင်ငွေ ရရှိခြင်းမရှိသေးဘဲ စရိတ်သာကုန်ကျထားသည့်အတွက် ဘဏ္ဍာနှစ်ကုန်တွင်ဝင်ငွေကြေညာလွှာ တင်သွင်းရန် လို/မလို သိရှိလို၍ မေးမြန်းခြင်း။

ကုမ္ပဏီဖွဲ့စည်းတည်ထောင်ထားပါက မြန်မာနိုင်ငံ ကုမ္ပဏီအက်ဥပဒေအရ ဘဏ္ဍာနှစ် ကုန်ဆုံး သည့်အခါ နှစ်ချုပ်စာရင်းအား  မြန်မာနိုင်ငံစာရင်းကိုင်စံနှုန်းများအတိုင်း ရေးသွင်းပြုစုပြီး ဝင်ငွေခွန် စည်းမျဉ်းပါထားရှိရမည့် စာရင်းဇယားများနှင့်အတူ ဝင်ငွေခွန်ဥပဒေပုဒ်မ ၁၇ (က) အရ ဝင်ငွေကြေညာလွှာကို ဝင်ငွေနှစ် ကုန်ဆုံးပြီး (၃) လအတွင်း သက်ဆိုင်ရာ ကုမ္ပဏီ များဆိုင်ရာအခွန်ရုံးသို့ တင်သွင်းရမည်ဖြစ်ပါသည်။