အခွန်ဆိုင်ရာအမေးအဖြေများ အတွဲ (၁၁) (ဝင်ငွေခွန်)

၂၀၂၃ ခုနှစ်၊ ပြည်ထောင်စု၏အခွန်အကောက်ဥပဒေ ပုဒ်မ ၂၄ အရ ပြည်ပနေနိုင်ငံခြားသား ၏လစာဝင်ငွေရရှိမှုအပေါ် မြန်မာနိုင်ငံ၌ လစာဝင်ငွေခွန်ပေးဆောင်ရန် တွက်ချက်ရာ တွင် ပြည်ပနေနိုင်ငံခြားသားဖြစ်လျှင် ဝင်ငွေခွန်ဥပဒေ ပုဒ်မ ၆ နှင့် ၆-က တို့အရ သက်သာ ခွင့်များ နုတ်ပယ်ခြင်းမပြုရ။ ယင်း၏ စုစုပေါင်းဝင်ငွေအပေါ် လစာခေါင်းစဉ်မှ ဝင်ငွေ ဖြစ်ပါက ပြည်ထောင်စု၏အခွန်အကောက်ဥပဒေ ပုဒ်မ ၁၉၊ ပုဒ်မခွဲ (ဂ) ပါ အခွန် နှုန်းများအတိုင်း ဝင်ငွေခွန်စည်းကြပ်ရမည်ဟု ပြဋ္ဌာန်းထားပါသဖြင့် လူမှုဖူလုံရေး ရန်ပုံငွေနှင့် အသက်အာမခံတို့သည် သက်သာခွင့်ပြုငွေများဖြစ်၍ နုတ်ယူခွင့်မပြုပါ။