ရေနံနှင့် သဘာဝဓာတ်ငွေ့ဆိုင်ရာ အခွန်ရငွေကြိုတင်ခန့်မှန်းခြင်း အလုပ်ရုံဆွေးနွေးပွဲ ကျင်းပခြင်း

ရန်ကုန်  နိုဝင်ဘာလ    ၂၇

   ပြည်တွင်းအခွန်များဦးစီးဌာန၏ ရေနံနှင့်သဘာဝဓာတ်ငွေ့ဆိုင်ရာ အခွန်ကောက်ခံရရှိမှု အခြေအနေအား ခန့်မှန်းတွက်ချက်နိုင်ရန် ရည်ရွယ်၍ အခွန်ရငွေကြိုတင်ခန့်မှန်းခြင်းဆိုင်ရာ အလုပ်ရုံဆွေးနွေးပွဲ (Oil and Gas Revenue Forecasting Workshop)ကို နေပြည်တော်၊ ရုံးအမှတ် ၄၆၊ ပြည်တွင်းအခွန်များဦးစီးဌာန၊ လေ့ကျင့်ရေးသင်တန်းခန်းမ၌ ၂၇-၁၁-၂၀၁၈  ရက်နေ့မှ ၂၉-၁၁-၂၀၁၈ ရက်နေ့ထိ ကျင်းပပြုလုပ်မည်ဖြစ်ပါသည်။ အဆိုပါ အလုပ်ရုံဆွေးနွေးပွဲတွင် NORAD’s Oil for Development Programme မှ OFD Consultant Vidar Ovesen၊ ကမ္ဘာဘဏ်မှ စီးပွားရေးပညာရှင် Mr. Thanapat Reungsri နှင့် အကြီးတန်းရေနံကျွမ်းကျင်သူ David J. Santley တို့က ဦးဆောင် ဆွေးနွေးခဲ့ပါသည်။ ပြည်တွင်းအခွန်များဦးစီးဌာနမှ (၁၄)ဦး၊ ရသုံးမှန်းခြေငွေစာရင်းဦးစီးဌာနမှ (၄)ဦး၊ ငွေတိုက်ဦးစီးဌာနမှ (၂)ဦး၊ မြန်မာ့ရေနံနှင့်သဘာဝ ဓာတ်ငွေ့လုပ်ငန်း (၂)ဦး  စုစုပေါင်း (၂၂)ဦးတို့က တက်ရောက် ဆွေးနွေးခဲ့ကြကြောင်း သိရှိရပါ သည်။