ဗီယက်နမ်လူမျိုးတစ်ဦးပါဝင်သော ကုမ္ပဏီတစ်ခုက ပြည်တွင်း၌ရုံးခွဲဖွင့်လှစ်၍ ဆောက်လုပ် ရေးလုပ်ငန်းလုပ်ကိုင်ခြင်းအပေါ် အခွန်စည်းကြပ်မှုခံယူပြီး၊ ရရှိသည့်အကျိုးအမြတ်အား ပြည်ပရှိရုံးချုပ်သို့ ပြန်လည်လွှဲပို့ပါက အခွန်ထပ်မံပေးဆောင်ရခြင်း ရှိ/မရှိ သိရှိလို၍မေးမြန်း ခ

ပြည်ပတွင် ရုံးချုပ်တည်ရှိပြီး ဆောက်လုပ်ရေးလုပ်ငန်းကို ပြည်တွင်း၌ ရုံးခွဲဖွင့်လှစ်လုပ်ကိုင် သော နိုင်ငံခြားကုမ္ပဏီအနေဖြင့် ဘဏ္ဍာနှစ်ကုန်ဆုံးသည့်အခါ စာရင်းကိုင်စံများ အရနှစ်ချုပ် စာရင်း ရေးဆွဲတင်ပြ၍ စည်းကြပ်မှုခံယူရမည်ဖြစ်ပါသည်။ စည်းကြပ်မှုခံယူပြီး ကျသင့် အခွန်များ ပေးဆောင်ပြီးပါက ကျန်ရှိသည့် ဝင်ငွေအကျိုးအမြတ်အပေါ် အစုရှယ်ယာရှင်များမှ ထည့်ဝင်ရှယ်ယာအချိုးအလိုက် အမြတ်​ဝေစုခွဲ​ဝေနိုင်ပါသည်။ အခွန်ပေးဆောင်ပြီးသော အကျိုး အမြတ်ရရှိဝင်ငွေကို ဝင်ငွေခွန်ဥပဒေ ပုဒ်မ ၅(က) (၇) အရ ပုဂ္ဂိုလ်စုတစ်ခုခုမှ ၀င်ငွေခွန်ပေး ဆောင်ပြီး ရရှိသည့်အမြတ်ဝေစုကို ကင်းလွတ်ခွင့်ပြုထားသဖြင့် ပြည်ပရှိရုံးချုပ်သို့ ပြန်လည် လွှဲပို့ပါက အခွန်ပေးဆောင်ရန်မလိုအပ်ပါ။