ပြန်ကြားရေးဝန်ကြီးဌာနတွင် ပြုလုပ်သွားသည့် သတင်းစာရှင်းလင်းပွဲ၌ ပြည်တွင်းအခွန် များဦးစီးဌာန၊ ညွှန်ကြားရေးမှူးချုပ်က e-Lottery လုပ်နိုင်ခဲ့လျှင် ဈေးနှုန်းတိုးမြှင့် ရောင်း ချသည့်ကိစ္စများ ကင်းစင်ပပျောက်သွားမည်ဖြစ်ကြောင်း ပြောကြားခဲ့ပါသည်။

ပြည်တွင်းအခွန်များဦးစီးဌာနက ထုတ်ဝေရောင်းချသော အောင်ဘာလေထီသည် ထီစာအုပ် ရောင်းရငွေ စုစုပေါင်း၏ ၆၀ % ကို ဆုမဲအနေနဲ့ ပြန်ခွဲပေးခြင်းဖြစ်ပါသည်။ အုပ်ရေမည်မျှ ထုတ်ဝေရောင်းချရမည်ဖြစ်ကြောင်း ခန့်မှန်းမသိရသေးသဖြင့် ဆုမဲခွဲဝေသည့်ကိစ္စနှင့် ပတ်သက်၍ ပြောကြား၍မရပါ။

ကျပ် ၁၀၀၀ တန်ထီ ထုတ်ဝေမည့်ကိစ္စကို ဝန်ကြီးရုံးသို့ တင်ပြ ထားဆဲဖြစ်ပါသည်။ ဝန်ကြီးရုံး၏ခွင့်ပြုချက်ရရှိမှ ဆက်လက်ဆောင်ရွက်ရမည်ဖြစ်ပါသည်။

အကယ်၍ မြန်မာနိုင်ငံသို့ တရားဝင်ငွေလွှဲပြောင်းထားသည့် အထောက်အထား တင်ပြ နိုင်ပါက ပြည်ပမှရရှိတဲ့ဝင်ငွေကို ဝင်ငွေရလမ်းအဖြစ် ခံစားခွင့်ရှိမှာဖြစ်သဖြင့် ပြည်ပ၌ အလုပ်လုပ်နေသော မြန်မာနိုင်ငံသားတွေအနေနဲ့ တရားဝင်ငွေလွှဲပြောင်းပေးပို့ကြရန် လိုအပ် ပါသည်။

ငွေလွှဲပြောင်းသည့်ကိစ္စသည် ပြည်တွင်းအခွန်များဦးစီးဌာနမှ ဆောင်ရွက်ရသည့် လုပ်ငန်း တာဝန်များတွင် ပါဝင်ခြင်းမရှိပါ။

ပြည်ပမှ တရားမဝင်ငွေလွှဲပြောင်းသူများသည် မြန်မာနိုင်ငံသို့ပြန်လည်ရောက်ရှိ၍ အိမ်၊ မြေ၊ ကား၊ အစုရှယ်ယာ အစရှိသော အခြေပစ္စည်းများ ဝယ်ယူသောအခါတွင် ဝင်ငွေရလမ်း တင်ပြနိုင်သည့် အခွင့်အရေးဆုံးရှုံးပါမည်။

နိုင်ငံခြားမှာအလုပ်သွားလုပ်နေသူ ( ပြည်ပနေနိုင်ငံသား) ၏ ပြည်ပမှာ နိုင်ငံခြားငွေဖြင့်ရရှိ သော  လစာခေါင်းစဉ်မှ ဝင်ငွေကို ၁-၁-၂၀၁၂ ရက်နေ့ကစပြီး ပြည်ထောင်စုအစိုးရအဖွဲ့၏ အမိန့်ကြော်ငြာစာအမှတ်၊ ၅၇/ ၂၀၁၁ နဲ့ အခွန်ကင်းလွတ်ခွင့်ပြုခဲ့ပါသည်။ ယခုလက်ရှိ တွင်လည်း နှစ်စဉ်ပြဌာန်းသည့် ပြည်ထောင်စု၏အခွန်အကောက်ဥပဒေများတွင် ပြည်ပနေ နိုင်ငံသားများ၏ လစာခေါင်းစဉ်မှ ဝင်ငွေကို ကင်းလွတ်ခွင့်ပြုပေးထားပါသည်။

                   လစာဆိုရာတွင် ''မည်သူမဆို  အလုပ်ရှင်ထံမှ မိမိရရှိသည့် သို့မဟုတ် ရရန်ရှိသည့် လစာ၊ လုပ်ခ၊ နှစ်စဉ်ကြေး၊ ဆုကြေး၊ ချီးမြှင့်ငွေ၊ လစာနှင့်လုပ်ခအစား သို့မဟုတ် ယင်းတို့အပြင် ထပ်ဆောင်းရရှိသည့် အခကြေးငွေ၊ ကော်မရှင်တို့အတွက် လစာခေါင်းစဉ်ဖြင့် အခွန် ထမ်းဆောင်ရမည်"ဟု ဝင်ငွေခွန်ဥပဒေပုဒ်မ ၉ တွင် ပြဌာန်းထားပါသည်။        နိုင်ငံခြားသို့သွားရောက် အလုပ်လုပ်ကိုင်သောသူများ၏ လစာခေါင်းစဉ်မှလွဲ၍ ကျန် ဝင်ငွေအတွက် နိုင်ငံခြားငွေဖြင့် ပြည်ပတွင်ရရှိသည့် စုစုပေါင်းဝင်ငွေအပေါ် ၁၀% ဝင်ငွေခွန် ပေးဆောင်ရမှာဖြစ်ပါသည်။

ပြည်ထောင်စုအစိုးရအဖွဲ့၏ သဘောတူညီချက်ဖြင့် နိုင်ငံတော်က ရယူ ဆောင်ရွက်သည့် ထောက်ပံ့ငွေများ (Grant Aid) နှင့် တရားဝင်ဖွံ့ဖြိုးမှု အကူအညီချေးငွေ (Official Development Assistant Loan-ODA Loan) တို့ဖြင့် ဆောင်ရွက်နေသော နိုင်ငံတော် ဖွံ့ဖြိုးတိုးတက်ရေးစီမံကိန်းလုပ်ငန်းများအနေဖြင့် ဥပဒေနှင့်အညီ အခွန်ကင်းလွတ်ခွင့်များ ကို အပြည့်အဝခံစားခွင့်ရရှိနိုင်ရန်နှင့် အခွန်ကင်းလွတ်ခွင့်မရရှိနိုင်သည့် ကိစ္စရပ်များကိုလည်း ရှင်းလင်းစွာသိရှိနိုင်စေရန် ရည်ရွယ်ချက်ဖြင့် ယင်းအမိန့်ကြော်ငြာစာအား ထုတ်ပြန်ရခြင်း ဖြစ်ပါသည်။

ရခိုင်ပြည်နယ်၏ အထူးကုန်စည်ခွန် ကောက်ခံရရှိမှုသည် ပြည်တွင်းထုတ်လုပ်မှု ခေါင်းစဉ် တစ်မျိုးတည်းကသာ ကောက်ခံရရှိခြင်းဖြစ်ပြီး ၂၀၁၇-၂၀၁၈ ဘဏ္ဍာနှစ်တွင် နိုင်ငံပိုင် ကဏ္ဍနှင့် ပုဂ္ဂလိကကဏ္ဍများမှ ပိုမိုကောက်ခံရရှိခြင်းဖြစ်ပါသည်။