ပြည်တွင်းရှိ လုပ်ငန်းရှင်တစ်ဦးမှ ပြည်ပမှကွန်ပျူတာများတင်သွင်း၍ ပြည်တွင်း၌ ဂိမ်းဆိုင် ဖွင့်လှစ်မည်ဖြစ်ရာ မည်သည့်အခွန်များပေးဆောင်ရမည်ကိုသိရှိလို၍ မေးမြန်းခြင်းဖြစ်ပါသည်။

ပြည်တွင်းရှိ လုပ်ငန်းရှင်တစ်ဦးက ပြည်ပမှ ကွန်ပျူတာများ တင်သွင်းရာတွင် ကုန်းပေါ် ရောက်တန်ဖိုးအပေါ် ကြိုတင်ဝင်ငွေခွန် ၂% နှင့် ကုန်သွယ်လုပ်ငန်းခွန် ၅% ကိုပေးဆောင်ရ မည်ဖြစ်ပါသည်။ ဂိမ်းဆိုင်ဖွင့်လှစ်ခြင်းလုပ်ငန်းသည် ၂၀၁၈ ခုနှစ် ပြည်ထောင်စု၏အခွန် အကောက်ဥပဒေ ပုဒ်မ ၁၄ ပုဒ်မခွဲ (ဃ)၏ ကုန်သွယ်လုပ်ငန်းခွန်မကျသင့်သည့် ဝန်ဆောင်မှု လုပ်ငန်း(၃၀) မျိုးတွင်မပါဝင်ပါသဖြင့် ကုန်သွယ်လုပ်ငန်းခွန် ၅% ကျသင့်မည်ဖြစ်ပါသည်။ ဝင်ငွေခွန်မှာ ၂၀၁၈ ခုနှစ်ပြည်ထောင်စု၏အခွန်အကောက်ဥပဒေပုဒ်မ ၁၉(ဂ) အရ ဝင်ငွေခွန် ဥပဒေပုဒ်မ (၆) အရ သက်သာခွင့်များခုနှိမ်ပြီး နောက်ကျန်ဝင်ငွေအပေါ် ဝင်ငွေအလွှာလိုက် နှုန်းထားများဖြင့် ပေးဆောင်ရမည်ဖြစ်ပါသည်။