ပြန်ကြားရေးဝန်ကြီးဌာနတွင်ပြုလုပ်သွားသည့် သတင်းစာရှင်းလင်းပွဲ၌ ပြည်တွင်းအခွန်များ ဦးစီးဌာန၊ ညွှန်ကြားရေးမှူးချုပ်က ကျပ် ၁၀၀၀ တန်ထီ လက်မှတ်ထုတ်ဝေရန် ဆောင်ရွက် နေတယ်ဟုသာပြောကြားခဲ့ခြင်းဖြစ်ပါသည်။ ကျပ်သိန်းနှစ်သောင်းဆု အောင်ဘာလေ ထီထုတ်မည်ဟု ပြောကြားခဲ့ခြင်းမဟုတ်ပါ။ ထီစာအုပ်ရောင်းရငွေ စုစုပေါင်းရဲ့ ၆၀% ကို  ဆုမဲအဖြစ် ခွဲဝေပေးခြင်းဖြစ်၍ ထီစာအုပ် မည်မျှရောင်းရမည်ဆိုသည်ကို စာရင်းမရရှိ သေးမီ ဆုမဲခွဲဝေမှုနှင့် ပတ်သက်ပြီးပြောကြား၍ မရပါ။

ကျပ် ၁၀၀၀ တန်ထီနဲ့ပတ်သက်၍ ဝန်ကြီးရုံးခွင့်ပြုချက်ရလျှင် ဆက်လက်ဆောင်ရွက်သွား မည်ဖြစ်ပါသည်။ ဌာန၏ဆောင်ရွက်မှု အခြေအနေများကိုလည်း ပြည်သူများထံ အသိပေး သွားမည်ဖြစ်ပါသည်။

၅၀၀ ကျပ်တန်ထီကို ၂၀၁၇ ခုနှစ်  မတ်လ (၁)ရက်နေ့တွင် စတင်ရောင်းချခဲ့ပြီး ၂၀၁၇ ခုနှစ် ဧပြီလ ၁ ရက်နေ့တွင် ထီဖွင့်ပွဲကို ကျင်းပပြုလုပ်ခဲ့ပါသည်။

၅၀၀ ကျပ် တန်ထီမှ ခွဲဝေပေးတဲ့ဆုမဲများမှာ အမြင့်ဆုံးဆု ကျပ်  သိန်း ၁၀၀၀၀ ဆုနှင့် အနိမ့်ဆုံးဆု ကျပ် ၅၀၀၀၀ ဆုဖြစ်ပါသည်။ ကျပ်သိန်း ၁၀၀၀၀ ဆု၊ ကျပ် သိန်း ၅၀၀၀ ဆု၊ ကျပ်သိန်း ၃၀၀၀ ဆု၊ ကျပ်သိန်း ၁၀၀၀ ဆု၊ ကျပ်သိန်း ၅၀၀ ဆု၊ ကျပ်သိန်း ၃၀၀ ဆု၊ ကျပ်သိန်း ၁၀၀ ဆု၊ ကျပ်သိန်း ၅၀ ဆု၊ ကျပ်သိန်း ၃၀ ဆု၊ ကျပ် ၁၀ သိန်းဆု၊ ကျပ် ၃ သိန်း ဆု၊ ကျပ် ၂  သိန်းဆု၊  ကျပ် ၁ သိန်းဆုနှင့် ကျပ် ၅၀၀၀၀ ဆုတို့ ဖြစ်ပါသည်။

ရောင်းချရသည့်ထီစာအုပ် အရေအတွက်ပေါ်မူတည်ပြီး ဆုမဲကို ခွဲဝေသတ်မှတ်ရခြင်းဖြစ် ပါသည်။ သတင်းစာထဲတွင်လည်း ထီစာအုပ်ရောင်းချရငွေအပေါ် ဆုမဲများမည်သို့ခွဲဝေ သည်ဆိုသည်ကို လစဉ် ထည့်သွင်းကြေညာပေးပါသည်။

နယ်မှမှာယူသည့် ထီကိုယ်စားလှယ်များအတွက် အောင်ဘာလေသိန်းဆုဌာနခွဲ (ရုံးချုပ်)က  ခွဲဝေရောင်းချပေးလျက်ရှိပါသည်။ ဌာနအနေဖြင့် သီးသန့်ထီအရောင်း လက်လီဆိုင်များ ဖွင့်ပေးပါက  ထီစာအုပ်မကုန်လျှင် အဆိုပါထီဖိုးငွေအား မည်သူက ကျခံမည်ဆိုသည့် ပြဿနာရှိပါသည်။ ပြည်တွင်းအခွန်များဦးစီးဌာနသည် စီးပွားရေး လုပ်နေသည့်ဌာနလည်း မဟုတ်ပါ။

ပြည်တွင်းအခွန်များဦးစီးဌာန အစီအစဉ်ဖြင့်လက်လီရောင်းပေးနေသော ထီအရောင်းဆိုင် မှာ အောင်ဘာလေဌာနခွဲ၊ ရန်ကုန်နှင့် နေပြည်တော်တွင်သာရှိပါသည်။

အောင်ဘာလေဌာနခွဲ၊ ရန်ကုန်တွင် လက်လီထီအရောင်းဆိုင်ဖွင့်လှစ်ပေးထားပါသည်။ နေပြည်တော်တွင်လည်း လက်လီထီအရောင်းဆိုင် ဖွင့်လှစ်ပေးထားပါသည်။ အဆိုပါဆိုင် များတွင်  ထီတစ်စောင် ၅၀၀ ကျပ်နှုန်းဖြင့် ဝယ်ယူနိုင်ပါသည်။

နိုင်ငံတော်က ထီစာအုပ်ရောင်းရငွေ၏ ၆၀% ကို ဆုငွေအဖြစ် ပြန်လည်ခွဲဝေပေးပါသည်။ ကျန် ၄၀ % သည် အခွန်အကောက်ရငွေစာရင်းထဲ ဝင်သွားပါသည်။ အခွန်ဆိုသည် တစ်ဦး ချင်းအနေနဲ့ အကျိုးခံစားခွင့်မည်သို့ဆိုတာ သတ်မှတ်ချက်မရှိပါကြောင်း၊ နိုင်ငံတော် ဖွံ့ဖြိုးတိုးတက်ရေးလုပ်ငန်းနှင့်တည်ဆောက်ရေးလုပ်ငန်း၊ ပညာရေး၊ ကျန်းမာရေးလုပ်ငန်း များတွင် အခွန်အကောက်ကရသည့်ငွေများဖြင့် အသုံးပြုနေခြင်းဖြစ်ပါသည်။

ထီလက်မှတ်များကို ဝါဇီတွင်အပ်နှံရပါသည်။ တစ်လအတွက် အုပ်ရေမည်မျှဟု ၆ လ အတွက် ကြိုတင်အပ်နှံဆောင်ရွက်ပြီးမှ ရောင်းချရခြင်းဖြစ်ပါသည်။