အခွန်ဆိုင်ရာစီမံအုပ်ချုပ်မှုဥပဒေ(Tax Administration Law-TAL) ရှင်းလင်းဆွေးနွေးခြင်း (ရန်ကုန်မြို့၊ ပြည်ထောင်စုစာရင်းစစ်ချုပ်ရုံးသင်တန်းကျောင်းခန်းမ)

ရန်ကုန် ဇူလိုင် ၂၈

     ရန်ကုန်မြို့၊ ပြည်ထောင်စုစာရင်းစစ်ချုပ်ရုံးသင်တန်းကျောင်းခန်းမတွင် ၂၀၁၉ ခုနှစ် ဇူလိုင်လ ၂၈ ရက်နေ့၌ ဝါဏိဇ္ဇဘွဲ့ရများအသင်းက ကြီးမှူးကျင်းပသည့် CGA Seminar သို့ပြည်တွင်းအခွန်များဦးစီးဌာနမှ ဒုတိယ ညွှန်ကြားရေးမှူးချုပ်(အခွန်ဆိုင်ရာပြုပြင်ပြောင်းလဲရေး) ဒေါ်မြမြဦးတက်ရောက်ခဲ့ပြီး အခွန်ဆိုင်ရာစီမံအုပ်ချုပ်မှုဥပဒေ (Tax Administration Law-TAL) အား ရှင်းလင်းဆွေးနွေးခဲ့ပါသည်။

       CGA Seminar ဒုတိယပိုင်းတွင် အခွန်ဆိုင်ရာစီမံအုပ်ချုပ်မှုဥပဒေနှင့် စပ်လျဉ်းသည့် Panel Discussion ကိုကျင်းပပြုလုပ်ခဲ့ရာ ဦးဝမ်းတင် (ဥက္ကဋ္ဌ၊ မြန်မာနိုင်ငံလက်မှတ်ရပြည်သူ့စာရင်းကိုင်များအသင်း) က Moderator အဖြစ်ဆောင်ရွက်ခဲ့ပြီး Panel Member များအဖြစ် ဒေါ်မြမြဦး (ဒုတိယညွှန်ကြားရေးမှူးချုပ်၊ ပြည်တွင်းအခွန်များဦးစီးဌာန)၊ ဦးမင်းစိန် (Law Business)၊ ဦးမိုးကျော် (အတွင်းရေးမှူး၊ ဝါဏိဇ္ဇဘွဲ့ရများအသင်း)၊ ဦးသန်းအောင် (တွဲဖက်အတွင်းရေးမှူး၊ ဝါဏိဇ္ဇဘွဲ့ရများအသင်း) နှင့် ဒေါ်ဝင်းဝင်းရွှေ(ဗဟိုအလုပ်မှုဆောင်အဖွဲ့ဝင်၊ ဝါဏိဇ္ဇဘွဲ့ရများအသင်း) တို့ကပါဝင်ဆွေးနွေးခဲ့ကြပါသည်။

       အဆိုပါဆွေးနွေးပွဲသို့ မြန်မာနိုင်ငံဝါဏိဇ္ဇဘွဲ့ရများအသင်းမှအလုပ်အမှုဆောင်များနှင့် တာဝန်ရှိသူများ၊ မြန်မာနိုင်ငံစာရင်းကောင်စီဝင်များ၊ CPA အသင်းဝင်များ၊MICPAအသင်းဝင်များ၊ ပြည်တွင်းအခွန်များဦးစီးဌာနမှ တာဝန်ရှိသူများ၊ အခွန်ဆိုင်ရာစီမံအုပ်ချုပ်မှုဥပဒေအားစိတ်ပါ ဝင်စားသူများအပါအဝင် အင်အား ၅၀၀ ကျော်တက်ရောက်ခဲ့ကြကြောင်းသိရှိရပါသည်။