ဖက်စပ်ကုမ္ပဏီက Container ကားများ ညသိပ်၀န်ဆောင်မှုလုပ်ငန်းလုပ်ဆောင်ရာတွင် Shipping Lines Co များမှ ဖက်စပ်ကုမ္ပဏီသို့ ထားရှိ Container များအား အပျက်အစီး ရှိ/မရှိ စစ်ဆေး၍ သန့်ရှင်းရေးဆောင်ရွက်ပေးခြင်း၊ နေရာရွှေ့ပြောင်းပေးခြင်း Service Fees အတွက် ပေးချေငွေများအပေါ် ဘဏ္ဍာရေးနှင့်အခွန် ဝန်ကြီးဌာန၏အမိန့်ကြော်ငြာစာ အမှတ် ၄၁/၂၀၁၀၊ ၁၆၇/၂၀၁၁တို့ အရWHT ပင်ရင်းမှနုတ်ယူပေးသွင်းခွန် ၂ % ကိုဖြတ်ယူ ပြီး၊ Service ဆောင်ရွက်ပေးသည့် ဖက်စပ်ကုမ္ပဏီအမည်ဖြင့် ပေးဆောင်ရမည်ဖြစ်ပါသည်။ အဆိုပါ ပင်ရင်းမှနုတ်ယူပေး သွင်းခွန် WHT ၂ % ကို ဝင်ငွေခွန်စည်းမျဉ်း ၁၄(ခ) အရ ငွေပေးချေသည့်နေ့မှ ခုနစ်ရက်အတွင်း ပေးဆောင်ရမည်ဖြစ်ပါသည်။ ၎င်း WHT ၂% မှာ ဖက်စပ်ကုမ္ပဏီအတွက် အပြီးသတ်စည်းကြပ်မှုတွင် ခုနှိမ်ခွင့်ရရှိမည်ဖြစ်ပါသည်။

အခြေပစ္စည်းဖြစ်သော မြေကွက်ဝယ်ယူခြင်းအတွက် သက်ဆိုင်ရာအိမ်ခြံမြေကာလတန်ဖိုး စိစစ်ရေးအဖွဲ့ထံတွင် တန်ဖိုးဖြတ်ခံယူရမည်ဖြစ်ပြီး၊ အဆိုပါ တန်ဖိုးဖြတ်တန်ဖိုးအပေါ် ၂၀၁၆ ခုနှစ်ပြည်ထောင်စု၏အခွန်အကောက်ဥပဒေပုဒ်မ ၂၄ အရ အသုံးပြုသည့်ဝင်ငွေမှ ဝင်ငွေရလမ်း တင်ပြ နိုင်သည့် ဝင်ငွေရှိပါက ယင်းဝင်ငွေအားနုတ်ပယ်ပြီး ကျန်စည်းကြပ်မှုမှ လွတ်ကင်း နေသော ဝင်ငွေအပေါ်တွင်လည်းကောင်း၊ ဝင်ငွေရလမ်းတင်ပြနိုင်ခြင်းမရှိပါက အသုံးပြုသည့် ဝင်ငွေအပေါ်တွင် ၁ ကျပ်မှ ၃၀၀၀၀၀၀၀ ထိ ၁၅ % ၊ ၃၀၀၀၀၀၀၁ ကျပ် မှ ၁၀၀၀၀၀၀၀၀ ထိ ၂၀ %၊ ၁၀၀၀၀၀၀၀၁ ကျပ် နှင့်အထက်ဖြစ်ပါက ၃၀ % ဝင်ငွေခွန်စည်းကြပ်မည်ဖြစ်ပါသည်။ အသုံးပြုသည့် ဝင်ငွေအားလုံးအပေါ် ဝင်ငွေရလမ်းအတိအကျတင်ပြနိုင်ပါက ဝင်ငွေခွန် ထမ်းဆောင်ရန်မလိုအပ်ပါ။ မြေကွက် များအပေါ်အခွန်စည်းကြပ်သည့် နှုန်းထားသိရှိနိုင်ရန် ပဲခူးတိုင်းဒေသကြီး ညောင်လေးပင်မြို့နယ်ရှိ မြို့နယ်ကာလတန်ဖိုးစိစစ် သတ်မှတ်ရေးအဖွဲ့ထံ တင်ပြလျှောက်ထားရမည်ဖြစ်ပါသည်။

ရေနံနှင့် သဘာဝဓာတ်ငွေ့တူးဖော်ခြင်းလုပ်ငန်းလုပ်ကိုင်သည့် ကုမ္ပဏီအနေဖြင့် အခြေပစ္စည်း ဖြစ်သည့် အစုရှယ်ယာများလွှဲပြောင်းရောင်းချခြင်းမှ မြတ်စွန်းငွေရရှိလျှင် မြတ်စွန်းသည့် ကျပ်ငွေ ( သို့ ) နိုင်ငံခြားငွေအပေါ် ဝင်ငွေခွန်ဥပဒေပုဒ်မ ၆ နှင့် ၆-ကအရ သက်သာခွင့် များမနုတ်မီ ၂၀၁၆ ခုနှစ် ပြည်ထောင်စု၏အခွန်အကောက်ဥပဒေပုဒ်မ ၂၇ (က)အရ မြတ်စွန်းငွေ ညီမျှ ကျပ်သန်းပေါင်း (၁၀၀,၀၀၀) အထိဝင်ငွေခွန် ၄၀% မြတ်စွန်းငွေညီမျှ ကျပ်သန်းပေါင်း   ( ၁၀၀,၀၀၁ ) မှ ( ၁၅၀,၀၀၀ ) အထိဝင်ငွေခွန် ၄၅ % ၊ မြတ်စွန်းငွေညီမျှကျပ် သန်းပေါင်း      ( ၁၅၀,၀၀၁ ) နှင့် အထက် ဖြစ်ပါကဝင်ငွေခွန် ၅၀ % တို့ ဖြင့် အလွှာလိုက်နှုန်းထားများအရ ကျသင့်မည်ဖြစ်ပါသည်။

ပြည်ပမှ မော်တော်ယာဉ်များအား ကနဦးမှတ်ပုံတင်ဆောင်ရွက်သည့်အချိန်တွင် တင်သွင်းလာသည့် ယာဉ်၏ကုန်းပေါ်ရောက်တန်ဖိုးအပေါ် ၂၀၁၆ ခုနှစ် ပြည်ထောင်စု၏ အခွန်အကောက်ဥပဒေ ပုဒ်မ ၂၄ အရ  ဝင်ငွေခွန်  ၁၅ % မှ  ၃၀ % ထိ  ပေးဆောင်ရခြင်းအား  ယာဉ်မှတ်ပုံတင်ဆောင် ရွက်ပေးလျက်ရှိသည့် ရန်ကုန်မြို့ရှိ၊ အမှတ် (၆၂)၊ ပထမထပ်၊ ပန်းဆိုးတန်းလမ်း (အောက်)၊ ကျောက်တံတားမြို့နယ်ရှိ  ပြည်တွင်းအခွန်များဦးစီးဌာန တွင်  ၁- ၆-၂၀၁၆ နေ့မှ စတင်၍ One Stop Services အစီအစဉ်ဖြင့်  စတင်ကောက်ခံဆောင်ရွက်ခဲ့ပါသည်။ မန္တလေးမြို့ရှိ၊ ၆၅ လမ်း၊ ၂၂ x ၂၃ ကြား တိုင်းဒေသကြီးအခွန်ဦးစီးဌာနမှူးရုံးတွင်လည်း One Stop Services အစီအစဉ် ကို ၁- ၆-၂၀၁၆ နေ့မှစတင်၍  ဆောင်ရွက်ပေးလျက်ရှိပါသည်။

NGO တွင် လစာအဖြစ်ပေးအပ်ခြင်းမဟုတ်ဘဲ Volunteer အဖြစ် လုပ်ကိုင်ကြသည့် ၀န်ထမ်း များအား အိမ်ငှားပေးခြင်း၊ အသုံးစရိတ်အဖြစ် ပေးအပ်ခြင်းစသည့် ပေးငွေများမှာ မြန်မာနိုင်ငံ အတွင်း ဖြစ်ထွန်းပေါ်ပေါက်သော ၀င်ငွေများရရှိသည်ဖြစ်ရာ ယင်းထပ်ဆောင်းရရှိသည့် အခကြေး ငွေအပေါ် ၀င်ငွေခွန်ဥပဒေပုဒ်မ ၉ (ခ) အရ လစာခေါင်းစဉ်ဖြင့် ၀င်ငွေခွန်ထမ်းဆောင်ရမည်ဖြစ် ပါသည်။

ပြည်ပတွင် ရုံးချုပ်တည်ရှိပြီး ဆောက်လုပ်ရေးလုပ်ငန်းကို ပြည်တွင်း၌ ရုံးခွဲဖွင့်လှစ်လုပ်ကိုင် သော နိုင်ငံခြားကုမ္ပဏီအနေဖြင့် ဘဏ္ဍာနှစ်ကုန်ဆုံးသည့်အခါ စာရင်းကိုင်စံများ အရနှစ်ချုပ် စာရင်း ရေးဆွဲတင်ပြ၍ စည်းကြပ်မှုခံယူရမည်ဖြစ်ပါသည်။ စည်းကြပ်မှုခံယူပြီး ကျသင့် အခွန်များ ပေးဆောင်ပြီးပါက ကျန်ရှိသည့် ဝင်ငွေအကျိုးအမြတ်အပေါ် အစုရှယ်ယာရှင်များမှ ထည့်ဝင်ရှယ်ယာအချိုးအလိုက် အမြတ်​ဝေစုခွဲ​ဝေနိုင်ပါသည်။ အခွန်ပေးဆောင်ပြီးသော အကျိုး အမြတ်ရရှိဝင်ငွေကို ဝင်ငွေခွန်ဥပဒေ ပုဒ်မ ၅(က) (၇) အရ ပုဂ္ဂိုလ်စုတစ်ခုခုမှ ၀င်ငွေခွန်ပေး ဆောင်ပြီး ရရှိသည့်အမြတ်ဝေစုကို ကင်းလွတ်ခွင့်ပြုထားသဖြင့် ပြည်ပရှိရုံးချုပ်သို့ ပြန်လည် လွှဲပို့ပါက အခွန်ပေးဆောင်ရန်မလိုအပ်ပါ။

ပြည်တွင်းနေနိုင်ငံခြားသား၏ လစာ၀င်ငွေတွက်ချက်ရာတွင် ၂၀၁၆ ခုနှစ် ပြည်ထောင်စု၏ အခွန် အကောက်ဥပဒေပုဒ်မ ၁၉(က)အရ သတ်မှတ်ထားသောသက်သာခွင့်များ ခုနှိမ်ပြီးနောက် ကျန်ဝင်ငွေ အပေါ် Progressive Rateအရ ၀ % မှ ၂၅ % ထိ ပေးဆောင်ရမည်ဖြစ်ပါသည်။ သက်သာခွင့်များ ခံစားရန် ပြည်တွင်းနေနိုင်ငံခြားသား၏ အတူနေမိဘ၊ အိမ်ထောင်ဖက်နှင့် သားသမီးများ သက်သာခွင့်များခွင့်ပြုပေးရာတွင်  မြန်မာနိုင်ငံအတွင်း ပြည်တွင်းနေ နိုင်ငံ ခြားသားနှင့်အတူ လာရောက်နေထိုင်မှုအတွက် အတူလာရောက်နေထိုင်သူများ၏ နိုင်ငံကူး လက်မှတ်မိတ္တူ၊ အင်္ဂလိပ်ဘာသာ ပြန်ဆိုထားသည့် အိမ်ထောင်စုစာရင်းမှတ်တမ်း၊ ဇနီး ( သို့ ) ခင်ပွန်းအတွက် တရားဝင်လက်ထပ်စာချုပ်မူရင်းနှင့် တိုက်ဆိုင်စိစစ်ထားသည့်မိတ္တူ၊ အသက် (၁၈)နှစ်အောက် သားသမီးအတွက် သက်ဆိုင်ရာ အစိုးရကအသိအမှတ်ပြု အင်္ဂလိပ်ဘာသာ ပြန်ဆိုထားသည့် မွေးစာရင်းမိတ္တူမှန်တို့ကို တင်ပြစေ၍ စိစစ်ခွင့်ပြုပေးမည်ဖြစ်ပါသည်။

ပြည်တွင်းရှိကုမ္ပဏီကထိုင်းနိုင်ငံရှိကုမ္ပဏီတစ်ခုသို့ ဝန်ဆောင်မှုလုပ်ငန်းများ ဆောင်ရွက်ပေး သည့်အတွက် ငွေပေးချေပါကဘဏ္ဍာရေးဝန်ကြီးဌာန အမိန့်ကြော်ငြာစာအမှတ်၊ ၄၁/ ၂၀၁၀အရ WHT ပင်ရင်းမှနုတ်ယူပေးသွင်းခွန် ၃.၅ % နုတ်ယူပေးသွင်းပြီးမှ ငွေပေးချေရန်ဖြစ်ပါသည်။ သို့သော် မြန်မာ-ထိုင်းနှစ်နိုင်ငံ အခွန်နှစ်ထပ်စည်းကြပ်မှုရှောင်ရှားရေး DTA စာချုပ်ချုပ်ဆို ထားရာ Withholding Tax အားမြန်မာနိုင်ငံ၌ ပေးဆောင်လိုခြင်းမရှိဘဲ Article 7 ပါ အကျိုးခံစားခွင့်ဖြစ်သော ထိုင်းနိုင်ငံ၌သာ ပေးဆောင်လိုခြင်းအတွက် ထိုင်းနိုင်ငံအခွန်ထမ်း ဖြစ်ကြောင်း Tax Resident Certificateအား တရား၀င်ထောက်ခံချက်၊ အခြားအထောက် အထားများနှင့်အတူ ပင်ရင်းမှဖြတ်တောက်သည့်ပုံစံ Withholding Tax Exemption Form 1 တွင် ပြည့်စုံစွာဖြည့်စွက်၍ သက်ဆိုင်ရာ အခွန်ရုံးဌာနမှူးမှတစ်ဆင့် ရုံးချုပ်ထံတင်ပြရန်ဖြစ် ပြီး၊ ခွင့်ပြုချက်ရရှိပါက မြန်မာနိုင်ငံ၌ ပေးသွင်းရန်မလိုအပ်ပါ။

ပြည်တွင်းကုမ္ပဏီတစ်ခုက ပြည်တွင်း၌ ရုံးခွဲဖွင့်လှစ်ထားသော နိုင်ငံခြားကုမ္ပဏီတစ်ခုသို့ လုံခြုံရေး ၀န်ဆောင်မှုလုပ်ငန်းဆောင်ရွက်ပေးမှုအတွက် ပြည်တွင်းကုမ္ပဏီသို့ ပေးချေရမည့်ငွေ အပေါ် ဘဏ္ဍာရေးနှင့်အခွန်၀န်ကြီးဌာန အမိန့်ကြော်ငြာစာအမှတ် ၄၁/၂၀၁၀ အရ ငွေပေးရန် တာ၀န်ရှိသည့် နိုင်ငံခြားကုမ္ပဏီက ပြည်တွင်းကုမ္ပဏီသို့ ငွေပေးချေမည်ဖြစ်၍ ပြည်တွင်း ကုမ္ပဏီသို့ပေးချေရမည့်ငွေမှ ပင်ရင်းမှနုတ်ယူပေးသွင်းခွန် WHT ၂ % ကိုနုတ်ယူ၍ ပြည်တွင်း ကုမ္ပဏီအမည်ဖြင့် ပေးသွင်းရမည် ဖြစ်ပါ သည်။

          မြန်မာနိုင်ငံ၌ ရက်ပေါင်း(၆၀) တာဝန်ထမ်းဆောင်ပြီးဂျပန်နိုင်ငံသို့ ပြန်လည်ထွက်ခွာမည့် ပြည်ပနေနိုင်ငံခြားသား၏ လစာဝင်ငွေအပေါ် ၂၀၁၆ ခုနှစ် ပြည်ထောင်စု၏အခွန်အကောက် ဥပဒေပုဒ်မ ၂၂(က) အရ ဝင်ငွေခွန်ဥပဒေပုဒ်မ ၆ အရ သက်သာခွင့်များမနုတ်မီ စုစုပေါင်းဝင်ငွေ အပေါ် ထိုဥပဒေပုဒ်မ ၁၉၊ ပုဒ်မခွဲ (က) ပါ အခွန်နှုန်းအတိုင်း  ၀ % မှ ၂၅% အထိ ၀င်ငွေခွန် ပေးဆောင်ကြရမည်ဖြစ်ပါသည်။