ဆောက်လုပ်ရေးလုပ်ငန်းလုပ်ကိုင်သည့် ဝန်ဆောင်မှုလုပ်ငန်းသည် ၂၀၁၆ခုနှစ် ပြည်ထောင်စု၏ အခွန်အကောက်ဥပဒေပုဒ်မ ၁၄ ( ဃ ) ပါ အခွန်မကျသင့်သည့် ဝန်ဆောင်မှုရငွေတွင် မပါဝင် ပါသဖြင့် ပုဒ်မခွဲ(င) အရ ဝန်ဆောင်မှုရရှိငွေအပေါ်၌ ကုန်သွယ်လုပ်ငန်းခွန် ၅ % ကျသင့် မည်ဖြစ်၍ ပေးချေငွေရရှိသည့် သက်ဆိုင်ရာလကုန်ဆုံးပြီး ၁၀ ရက် အတွင်း ပေးသွင်းထားရ ပါသည်။

Mobile Bankingစနစ်ဖြင့် ငွေလွှဲပို့၊ ငွေထုတ်ပေးသောကိုယ်စားလှယ်လုပ်ကိုင်သည့် ဝန်ဆောင်မှုလုပ်ငန်းသည် ၂၀၁၆ ခုနှစ် ပြည်ထောင်စု၏အခွန်အကောက်ဥပဒေပုဒ်မ ၁၄ ပုဒ်မခွဲ (ဃ) အမှတ်စဉ် (၁၀) ပါ ဘဏ်လုပ်ငန်းဆိုင်ရာဝန်ဆောင်မှုလုပ်ငန်းတွင် အကျုံးဝင်သဖြင့် ကုန်သွယ်လုပ်ငန်းခွန် မကျသင့်ပါ။

မြန်မာ့ဆက်သွယ်ရေးလုပ်ငန်း (MPT) သည် နိုင်ငံပိုင်စီးပွားရေးအဖွဲ့အစည်းဖြစ်သဖြင့် ကုန်သွယ်လုပ်ငန်းခွန်စည်းမျဉ်း ၄၄ (ဂ) (၁)အရ ကုန်သွယ်လုပ်ငန်းခွန် မှတ်ပုံတင်ရန် မလိုအပ် ပါသဖြင့် ( MPT ) အနေဖြင့် ၀န်ဆောင်မှုကုမ္ပဏီမှ တောင်းခံလာသည့် လုပ်ငန်းရှင် မှတ်ပုံတင် အမှတ် ပတခ(ကသခ)-၂ ကို ပေးအပ်ရန်မလိုအပ်ပါ။

မဂ္ဂဇင်း၊ ဂျာနယ်၊ စာစောင်၊ သတင်းစာများတွင် အခကြေးငွေယူ၍ ကြော်ငြာထည့်သွင်း သည့် ဝန်ဆောင်မှုလုပ်ငန်းသည် ၂၀၁၈ ခုနှစ် ပြည်ထောင်စု၏အခွန်အကောက်ဥပဒေ ပုဒ်မ ၁၄ ပုဒ်မခွဲ(ဃ) အရ ကုန်သွယ်လုပ်ငန်းခွန်မကျသင့်သော ဝန်ဆောင်မှုလုပ်ငန်းများ တွင် ပါဝင်ခြင်းမရှိပါသဖြင့် ကြော်ငြာထည့်သွင်းသူများအနေဖြင့် ကုန်သွယ်လုပ်ငန်းခွန် ပေးဆောင်ရန်လိုအပ်ပါသည်။

ပြည်ပမှတင်သွင်းစဉ် ဆောက်လုပ်ရေးကုန်ကြမ်းပစ္စည်းများအတွက် ကုန်သွယ်လုပ်ငန်းခွန် ပေးဆောင်ထားပြီး ၄င်းကုန်ကြမ်းပစ္စည်းများအား ဘဏ္ဍာနှစ် အတွင်းသုံးစွဲနိုင်ခြင်းမရှိဘဲ၊ ကုန်လက်ကျန်အဖြစ်ကျန်ရှိပါက ဘဏ္ဍာနှစ်ကုန်ဆုံး၍ နှစ်ချုပ်စာရင်းရေးဆွဲသည့်အခါ သုံးစွဲပြီးသည့် ကုန်ကြမ်းအပေါ် ကျသင့်ကုန်သွယ်လုပ်ငန်းခွန်နှင့် ကျန်ရှိသည့် ကုန်ကြမ်းပစ္စည်းတန်ဖိုးအပေါ် ကျသင့်ကုန်သွယ်လုပ်ငန်းခွန်ကို အသေးစိတ်စာရင်း ခွဲခြားဖော်ပြ၍ တင်ပြရန်ဖြစ်ပြီး ကျန်ရှိသည့် ကုန်ကြမ်းလက်ကျန်တန်ဖိုးကို လာမည့်ဘဏ္ဍာနှစ် အသုံးပြုရာ၌ စာရင်းသယ်ဆောင်ကျခံသုံးစွဲနိုင်ရန် ဖော်ပြတောင်းခံနိုင်ပါသည်။ သို့သော် လက်ကျန်ပစ္စည်းသည် ပြန်လည်ရောင်းချခြင်းမဟုတ်ဘဲ ဆုံးရှုံးပျက်စီးခြင်းဖြစ်ပါက ကုန်သွယ်လုပ်ငန်းခွန်ကို သယ်ဆောင်ခုနှိမ်ခွင့် မရှိပါ။

စက်မှု(၂) ပိုင် ၀င်းသူဇာအရောင်းဆိုင်မြေနှင့်အဆောက်အဦအား City Mart Holding Company မှ ငှားရမ်းခြင်းသည် Business Rent ငှားရမ်းခြင်း၀န်ဆောင်မှုလုပ်ငန်းဖြစ်၍ ၂၀၁၆ခုနှစ် ပြည်ထောင်စု၏အခွန်အကောက်ဥပဒေပုဒ်မ ၁၄ (ဃ) အရ ကုန်သွယ်လုပ်ငန်းခွန် မကျသင့်သည့် ၀န်ဆောင်မှု (၂၉ ) မျိုးတွင် မပါ၀င်ပါသဖြင့် ပုဒ်မခွဲ ( င ) အရ ကုန်သွယ် လုပ်ငန်းခွန် ၅ % ကျသင့်မည်ဖြစ်ပါသည်။ ငှားရမ်းသည့် City Mart Holding Company သည် ငှားရမ်းခပေးချေရာ၌ ငှားရမ်းခအပြင် ကုန်သွယ်လုပ်ငန်းခွန် ၅ %  ထည့်ပေါင်းပေးရ မည်ဖြစ်ပါသည်။ 

ပြည်ပမှ ကြေးနန်းကြိုးခွေများတင်သွင်းပြီး Mini Transformer ပစ္စည်း အသေးစားများ အား CMP လက်ခစားစနစ်ဖြင့် ပြုလုပ်၍ ပြည်ပသို့ ပြန်လည်တင်ပို့ခြင်းသည် ၂၀၁၆ ခုနှစ် ပြည်ထောင်စု ၏အခွန်အကောက်ဥပဒေပုဒ်မ၁၄ပုဒ်မခွဲ(ဃ)အရ ကုန်သွယ်လုပ်ငန်းခွန် မကျသင့်သည့် ဝန်ဆောင်မှု ( ၂၉ ) မျိုးရှိ အမှတ်စဉ် ( ၁၃ ) တွင် ပါဝင်ပါသဖြင့် ကုန်သွယ်လုပ်ငန်းခွန် ကျသင့်ခြင်းမရှိပါ။

ပြည်ပမှ သီးနှံများအတွက် ပိုးသတ်ဆေး၊ ပေါင်းသတ်ဆေးများ တင်သွင်းပြီးပြန်ရောင်းချပါ က၂၀၁၆ ခုနှစ် ပြည်ထောင်စု၏အခွန်အကောက်ဥပဒေပုဒ်မ  ၁၄ (က) အမှတ်စဉ် ( ၆၁ ) အရ ကုန်သွယ်လုပ်ငန်းခွန် မကျသင့်ပါ။

စင်္ကာပူလေကြောင်းလိုင်းမှလေယာဉ်များ ရန်ကုန်အပြည်ပြည်ဆိုင်ရာလေဆိပ်၌ ရပ်နားရန် အတွက် လမ်းကြောင်းရှင်းလင်းရန် ၀န်ဆောင်မှုလုပ်ငန်းဆောင်ရွက်သည့် ပြည်တွင်းရုံးခွဲ ကုမ္ပဏီသည် ၂၀၁၆ ခုနှစ် ပြည်ထောင်စု၏အခွန်အကောက်ဥပဒေပုဒ်မ ၁၄(ဃ)အရ အခွန် မကျသင့်သည့် ဝန် ဆောင်မှု ( ၂၉ ) မျိုးတွင် မပါဝင်ပါသဖြင့် ပုဒ်မခွဲ(င)အရ ကုန်သွယ် လုပ်ငန်းခွန် ၅ % ကျသင့်မည် ဖြစ်သဖြင့် ကုန်သွယ်လုပ်ငန်းခွန် ဥပဒေပုဒ်မ ၅ ( ခ ) အရ ဝန်ဆောင်မှုကို ရယူသူ စင်္ကာပူလေ ကြောင်းလိုင်းထံမှ အခွန်ကိုတစ်ပါတည်းကောက်ခံ၍ လကုန်ပြီး(၁၀)ရက်အတွင်း Branch ကုမ္ပဏီ အမည်ဖြင့် ပေးသွင်းပေးရမည်ဖြစ်ပါသည်။

Fiber အခင်းများခင်းခြင်း ဝန်ဆောင်မှုလုပ်ငန်းသည် ၂၀၁၆ ခုနှစ် ပြည်ထောင်စု၏အခွန် အကောက် ဥပဒေပုဒ်မ ၁၄ ( ဃ ) အရ ကုန်သွယ်လုပ်ငန်းခွန်မကျသင့်သည့် ဝန်ဆောင်မှု  (၂၉) မျိုးတွင် မပါဝင်ပါသဖြင့် ပုဒ်မခွဲ (င) အရ ကုန်သွယ်လုပ်ငန်းခွန် ၅% ကျသင့်မည်ဖြစ်၍ Telecom ကုမ္ပဏီထံမှ ငွေတောင်းခံရာတွင် ကုမ္ပဏီသည် ကုန်သွယ်လုပ်ငန်းခွန် ဥပဒေပုဒ်မ ၅ (ခ) အရ ကုန်သွယ်လုပ်ငန်းခွန် ၅ % အပါအဝင် ထည့်သွင်းတောင်းခံရမည်ဖြစ်ပါသည်။ Telecom   ကုမ္ပဏီသို့ ဝန်ဆောင်မှုဆောင်ရွက်သူအား မှတ်ပုံတင်ခွင့်ပြုကြောင်း ထုတ်ပေး သည့် လက်မှတ်ပုံစံ ပတခ(ကသခ)-၂နှင့် ကုန်သွယ်လုပ်ငန်းခွန်စည်းမျဉ်း ၄၂ အရ ခုနှိမ်ခွင့်ရရန် ပြည်တွင်း၌ဝန်ဆောင်မှုဆောင်ရွက်ခြင်း သက်သေခံလက်မှတ် ပုံစံ ပတခ (ကသခ) - ၃၁ နှင့် ဝန်ဆောင်မှုဆောင်ရွက်စဉ် ဝန်ဆောင်မှုအပေါ် ကုန်သွယ်လုပ်ငန်းခွန် ပေးဆောင်ခဲ့မှုနှင့် ခုနှိမ်မှု စာရင်းပုံစံ ပတခ ( ကသခ ) - ၃၃ တို့ကို သုံးစောင်ပြုစုရေးသား၍ မူရင်းကို  Telecom ကုမ္ပဏီ၊ မူရင်းခွဲကို အဆိုပါ ကုမ္ပဏီနှင့် သက်ဆိုင်သည့် မြို့နယ်အခွန်ဦးစီးဌာနမှူးထံသို့ ပေးပို့ ရန်ဖြစ်ပြီး လက်ခံအား ကုမ္ပဏီက သိမ်းဆည်းထားရန်ဖြစ်ပါ သည်။