လစာဝင်ငွေခေါင်းစဉ်မှ ပြည်ပနေနိုင်ငံသား၏ လစာဝင်ငွေကို ၁-၁-၂၀၁၂ နေ့မှစ၍ ကင်း လွတ်ခွင့်ပေးခဲ့ပါသည်။ ထိုနေ့မတိုင်မီဖြစ်ပါက ဝင်ငွေခွန်ဥပဒေပုဒ်မ ၂၁ အရ ဆောင်ရွက်ပြီး ခွင့်ပြုချက်ရရှိပါက စည်းကြပ်မှုကို ဥပဒေနှင့်အညီ ဆောင်ရွက်ရပါမည်။ ပတခ(ဝင)-၈ သည် “ဝင်ငွေခွန်ဥပဒေပုဒ်မ ၅၃ အရ အခွန်တောင်းခံလွှာ” ဖြစ်သောကြောင့် စည်းကြပ်မှုအရ တောင်းခံသည့် ငွေသွင်းချလန်ပူးတွဲပေးပို့ရသော အခွန်တောင်းခံလွှာဖြစ်ပါသည်။ စည်း ကြပ်မှုမရှိ၍ ပတခ(ဝင)-၈ ထုတ်ပေးရန်အကြောင်းမရှိပါ။ ကင်းလွတ်ခွင့်ရကာလတွင် လစာဝင်ငွေအတွက် အထောက်အထားပြည့်စုံစွာ တင်ပြရန်သာလိုအပ်ပါသည်။ အခွန်ကင်းလွတ်ခွင့်ရရှိထားသော လစာခေါင်းစဉ်မှဝင်ငွေဖြစ်ကြောင်း ဝင်ငွေရလမ်းအထောက်အထား ပြည့်စုံမှန်ကန်မှုကိုသာ စိစစ်ဆောင်ရွက်ရပါမည်။

၂၀၁၈-၂၀၁၉ ခုနှစ် ပြည်ထောင်စု၏အခွန်အကောက်ဥပဒေပုဒ်မ ၁၄ ပုဒ်မခွဲ (ခ) နှင့် (ဂ) တို့အရ ပြည်ပမှတင်သွင်းခြင်း၊ ပြည်တွင်း၌ထုတ်လုပ်ခြင်း၊ ဝယ်ယူရောင်းချခြင်းကိစ္စရပ်များအတွက် ကုန်သွယ်လုပ်ငန်းခွန် ၅% ကျသင့်ပါမည်။ ပြည်ပသို့တင်ပို့ခြင်း ဖြစ်ပါက ယင်းဥပဒေပုဒ်မ ၁၇ ပုဒ်မခွဲ (ခ) အရ သုညရာခိုင်နှုန်း ကျသင့်ပါမည်။၂၀၁၈-၂၀၁၉ ခုနှစ် ပြည်ထောင်စု၏ အခွန်အကောက်ဥပဒေပုဒ်မ ၂၃ ပုဒ်မခွဲ (က) အရ စုစုပေါင်းအသားတင် အမြတ်ဝင်ငွေအပေါ် ၂၅% ဖြင့် ဝင်ငွေခွန် စည်းကြပ်ပါသည်။

၂၀၁၈-၂၀၁၉ ခုနှစ် ပြည်ထောင်စု၏အခွန်အကောက်ဥပဒေပုဒ်မ ၁၄ ပုဒ်မခွဲ (ဃ) အမှတ်စဉ် (၂၆) အရ ကုန်ကြမ်းပေး၊ ကုန်ချောယူစနစ်ဖြင့် ဆောင်ရွက်ပေးသည့် ဝန်ဆောင်မှုလုပ်ငန်းများအပေါ် ကုန်သွယ်လုပ်ငန်းခွန်မကျသင့်ပါ။ ၂၀၁၈-၂၀၁၉ ခုနှစ် ပြည်ထောင်စု၏ အခွန်အကောက်ဥပဒေပုဒ်မ ၂၃ ပုဒ်မခွဲ (က)အရ စုစုပေါင်းအသားတင်အမြတ်ဝင်ငွေအပေါ် ၂၅ ရာခိုင်နှုန်းဖြင့် ဝင်ငွေခွန်စည်းကြပ်ပါသည်။

၂၀၁၈-၂၀၁၉ ခုနှစ် ပြည်ထောင်စု၏အခွန်အကောက်ဥပဒေပုဒ်မ ၁၄ ပုဒ်မခွဲ (က) အမှတ်စဉ် (၃၆) အရ ကာကွယ်ရေးဝန်ကြီးဌာနအတွက် ခွဲဝေလျာထားပေးသည့် ရသုံးခန့်မှန်းခြေငွေစာရင်းပါ အသုံးစရိတ်မှကျခံ၍ တပ်မတော်တွင်အသုံးပြုရန် ဝယ်ယူသည့် ကုန်စည်ဖြစ်သဖြင့် ကုန်သွယ်လုပ်ငန်းခွန် မကျသင့်ပါ။

၂၀၁၈ ခုနှစ်နှင့် ၂၀၁၈-၂၀၁၉ ခုနှစ် ပြည်ထောင်စု၏အခွန်အကောက်ဥပဒေများတွင် လက်ခစားအပ်ကုန်စနစ်ဖြင့် ဆောင်ရွက်သည့်လုပ်ငန်းများက လုပ်ငန်းလိုအပ်ချက်အရ ပြန်လည်ရောင်းချရန်မဟုတ်သည့် တင်သွင်းလာသော စက်ပစ္စည်းများ၊ စက်ကိရိယာများ၊ ပစ္စည်းကိရိယာနှင့် ယင်းတို့၏ အရန်နှင့် အပိုပစ္စည်းများအား ကုန်သွယ်လုပ်ငန်းခွန် မကျသင့်သည့် ကုန်စည်အဖြစ် သတ်မှတ်ထားပြီးဖြစ်ပါသည်။

ပညာရေးဝန်ကြီးဌာနမှ ပညာရေးသင်ရိုးညွှန်းတမ်းရေးဆွဲရန်အတွက် လန်ဒန်အခြေစိုက် ACCA Firm မှ သင်ရိုးညွှန်းတမ်းရေးဆွဲမည့် အကြံပေးငှားရမ်းမှုအပေါ် ၂၀၁၈-၂၀၁၉ ခုနှစ် ပြည်ထောင်စု၏အခွန်အကောက်ဥပဒေပုဒ်မ (၁၄) ပုဒ်မခွဲ (ဃ) ဇယားအမှတ်စဉ် (၁၁) အရ ကုန်သွယ်လုပ်ငန်းခွန် မကျသင့်ပါ။

ပြေစာပေါ်တွင် အခွန်အမှတ်တံဆိပ်ကပ်နှိပ်ရောင်းချစေသည့် လုပ်ငန်းများဖြစ်သော စားသောက်ဆိုင်လုပ်ငန်း၊ ဟိုတယ်တည်းခိုခန်းလုပ်ငန်း၊ ရုပ်သံလွှင့်မီဒီယာလုပ်ငန်း၊ ရွှေထည်လက်ဝတ်ရတနာနှင့် ကျောက်မျက်ရတနာရောင်းဝယ်ခြင်း လုပ်ငန်းများမှအပ ကုန်သွယ်လုပ်ငန်းခွန် ကျသင့်သည့် ကုန်သွယ်မှု၊ ဝန်ဆောင်မှုလုပ်ငန်းများတွင် ကုန်သွယ် လုပ်ငန်းခွန် ကောက်ခံပေးသွင်းရသော်လည်း ပြေစာပေါ်တွင် အခွန်အမှတ်တံဆိပ် ကပ်နှိပ်ပေးရန်သတ်မှတ်ထားခြင်းမရှိ၍ ကပ်နှိပ်ပေးရန် မလိုအပ်ပါ။

ကုန်သွယ်မှုဆောင်ရွက်သူလုပ်ငန်းရှင်သည်ကုန်စည်ဝယ်ယူသူထံမှ ကုန်သွယ်လုပ်ငန်းခွန်ကို အခွန်မကျသင့်မီရောင်းရငွေနှင့်အတူ တစ်ပါတည်းကောက်ခံပြီး ပေးဆောင်ရပါမည်။ ဝယ်ယူသူထံမှ ကောက်ခံရရှိသောအခွန်အတွက် ကုန်ရောင်းပြေစာနှင့်အတူ ပတခ (ကသခ) - ၃၁ ထုတ်ပေးရန်လည်းလိုအပ်ပါသည်။ ထိုသို့ဝယ်ယူစဉ်က ပေးဆောင်ခဲ့ရသော ကုန်သွယ်လုပ်ငန်းခွန်အတွက် လုပ်ငန်းရှင်သည် ပတခ(ကသခ)-၃၁ ကို မိမိအခွန်စည်းကြပ်မှုခံယူသည့် အခွန်ရုံးသို့တင်ပြ၍ အခွန်ခုနှိမ်ခွင့် တောင်းခံနိုင်ပါသည်။

ကုန်ရောင်းပြေစာပေါ်တွင် အခွန်အမှတ်တံဆိပ်ကပ်နှိပ်ထမ်းဆောင်စေသည့်လုပ်ငန်းများမှာ စားသောက်ဆိုင်/ဟိုတယ်/တည်းခိုခန်းလုပ်ငန်း၊ ရုပ်သံလွှင့်မီဒီယာလုပ်ငန်းများနှင့် ရွှေထည်လက်ဝတ်ရတနာများ ရောင်းချခြင်းလုပ်ငန်းတို့ဖြစ်ပါသည်။ အင်တာနက်လိုင်းချိတ်ဆက်ခြင်းလုပ်ငန်းမှာ အခွန်အမှတ်တံဆိပ်ကပ်နှိပ်ထမ်းဆောင်စေသည့် လုပ်ငန်းတွင်မပါဝင်သဖြင့် ကုန်သွယ်လုပ်ငန်းခွန် ၅% ထည့်သွင်းကောက်ခံရမည်ဖြစ်သော်လည်း ပြေစာပေါ်တွင် ကုန်သွယ်လုပ်ငန်းခွန် ထမ်းဆောင်ပြီးကြောင်း ပြေစာအမှတ်တံဆိပ်ကပ်နှိပ်ရန် သတ်မှတ်ထားသော လုပ်ငန်းအမျိုးအစားမဟုတ်ပါသဖြင့် ပြေစာပေါ်တွင် အခွန်အမှတ်တံဆိပ်ကပ်နှိပ်ရန် မလိုအပ်ပါ။

ပြည်တွင်းရှိ ကုမ္ပဏီတစ်ခုသည် ကျောက်ကပ်ဆေးသည့်စက်အား ပုဂ္ဂလိကဆေးရုံတစ်ခုသို့ ငှားရမ်းခြင်း ဝန်ဆောင်မှုလုပ်ငန်းလုပ်ကိုင်ခြင်းသည် ၂၀၁၈-၂၀၁၉ ခုနှစ် ပြည်ထောင်စု၏ အခွန်အကောက်ဥပဒေ ပုဒ်မ ၁၄ (ဃ) အရ ကုန်သွယ်လုပ်ငန်းခွန်မကျသင့်သည့် ဝန်ဆောင် မှု(၃၁) မျိုးတွင် မပါဝင်ပါသဖြင့် ပုဒ်မခွဲ (င) အရ ကုန်သွယ်လုပ်ငန်းခွန် ၅ % ကျသင့်မည်ဖြစ်ပါသည်။ ဝင်ငွေခွန်မှာ ၂၀၁၈-၂၀၁၉ ခုနှစ် ပြည်ထောင်စု၏အခွန်အကောက်ဥပဒေပုဒ်မ ၂၃ (က) အရ စုစုပေါင်းဝင်ငွေမှ ဝင်ငွေခွန်ဥပဒေ ပုဒ်မ ၆ အရ သက်သာခွင့်များ မနုတ်ပယ်မီ စုစုပေါင်း အသားတင်အမြတ်ဝင်ငွေအပေါ်တွင် ၂၅% ဖြင့် ဝင်ငွေခွန်ပေးဆောင်ရမည် ဖြစ်ပါသည်။