မြို့နယ်အခွန်ဦးစီးဌာနမှူးရုံးတွင် မော်တော်ယာဉ်ဝယ်ယူခြင်းအတွက် အမည်ပေါက် ပြောင်းရန် အခွန်ပေးဆောင်ရာတွင် ပြည်ပသို့ အလုပ်သွားရောက်လုပ်ကိုင်ခြင်းမှ ရရှိသောဝင်ငွေအား ဝင်ငွေရလမ်းအထောက်အထားအဖြစ်တင်ပြနိုင်ရန် အောက်ပါ အချက်အလက်များ လိုအပ်မည်ဖြစ်ပါသည်-

(က)  မြန်မာနိုင်ငံမှတရားဝင်ထွက်ခွာခြင်း/ ပြန်လည်ဝင်ရောက်ခြင်းတို့အတွက် နိုင်ငံကူးလက်မှတ်မိတ္တူ

(ခ) လစာဝင်ငွေရရှိသည့်အထောက်အထား(မူရင်း) သို့မဟုတ် အခွန်ပေးဆောင် ထားသည့် အထောက်အထား(မူရင်း)

(ဂ) ပြည်ပတွင်အလုပ်လုပ်သည့်ကာလဆိုင်ရာအထောက်အထား(မူရင်း)

(ဃ)  ပြည်ပတွင် အလုပ်လုပ်ကိုင်သည့်ဆိုင်ရာကုမ္ပဏီမှ တရားဝင်ထုတ်ပေး သည့် လစာထုတ်ပေးမှုမှတ်တမ်း

ကုမ္ပဏီ၏ အမြတ်ဝေစုရ‌ငွေကို ဝင်ငွေရလမ်းအဖြစ် တင်ပြမည်ဆိုပါက အောက်ပါ အထောက်အထားများ ပူးတွဲတင်ပြရပါမည်-

(က)  ကုမ္ပဏီ၏ အမြတ်ဝေစုခွဲဝေခြင်းဆိုင်ရာ ဒါရိုက်တာအဖွဲ့အစည်းအဝေး ဆုံးဖြတ်ချက်မှတ်တမ်း၊ နှစ်ချုပ်စာရင်း၊ အစုထည့်ဝင်ပိုင်ဆိုင်မှု အထောက် အထား(DICA မှ ကုမ္ပဏီ၏ Extract Form)၊ ကုမ္ပဏီမှ ထုတ်ပေးထား သည့် အမြတ်ဝေစုအဖြစ်ငွေကြေး သို့မဟုတ် ပိုင်ဆိုင်ရယူခဲ့မှုအထောက်အထား (ချက်လက်မှတ်မိတ္တူ၊ ငွေစာရင်းစာအုပ်မှတ်တမ်းများ)

(ခ)    အမြတ်ဝေစုထုတ်ယူခဲ့မှု နှင့်သက်ဆိုင်သည့် စာရင်းရေးသွင်းချက် မှတ်တမ်းများ နှင့်အတူ ကုမ္ပဏီကိုအခွန်စည်းကြပ်ရာရုံးမှ ထုတ်ပေးထား သည့် ဝင်ငွေ ရလမ်း တင်ပြသည့်အမြတ်ဝေစု ထုတ်ယူသည့်နှစ်အတွက် အခွန်တောင်းခံလွှာ နှင့် ငွေသွင်းချလန်တို့ဖြစ်ပါသည်။

ကုမ္ပဏီမှ အစုရှယ်ယာထည့်ဝင်ငွေများအပေါ် အစုရှယ်ယာထည့်ဝင်သူ၏ အိမ်ထောင် စုစာရင်းတည်ရှိရာ မြို့နယ်အခွန်ဦးစီးဌာနမှူးရုံးနှင့် ဆက်သွယ်ဆောင်ရွက်ရမည် ဖြစ်ပြီး ဝင်ငွေခွန်ပေးဆောင်ရန်အတွက် ၂၀၂၂ ခုနှစ်၊ ပြည်ထောင်စု၏အခွန်အကောက် ဥပဒေ ပုဒ်မ ၂၅၊ ပုဒ်မခွဲ (က) တွင် ဝင်ငွေခွန်ဥပဒေ ပုဒ်မ ၆ နှင့် ၆-က တို့အရ သက်သာခွင့်များ နုတ်ပယ်ခြင်းမပြုဘဲ စည်းကြပ်မှုမှလွတ်ကင်းနေသောဝင်ငွေအပေါ် တွင် ၃၀% ဖြင့် ဝင်ငွေခွန် စည်းကြပ်ရမည်။ သို့ရာတွင် Coronavirus Disease 2019 (COVID – 19) ကပ်ရောဂါကြောင့် နှောင့်နှေးလျှက်ရှိသည့် စီးပွားရေးလုပ်ငန်းများနှင့် ရင်းနှီးမြှုပ်နှံမှုများ ကို ပြန်လည်တိုးတက်မှုရှိလာစေရေး အားပေးမြှင့်တင်ရန် အလှိ့ငှါ နိုင်ငံသားမည်သူမဆို အခြေပစ္စည်းတစ်ရပ်ရပ်ကို ဝယ်ယူခြင်း၊ တည်ဆောက်ခြင်း၊ ရယူခြင်းနှင့် လုပ်ငန်းအသစ် တည်ဆောက်ခြင်း၊ လုပ်ငန်းထပ်မံတိုးချဲ့ခြင်းတို့အတွက် အသုံးပြုသည့်ဝင်ငွေမှ ဝင်ငွေ ရလမ်းတင်ပြနိုင်သည့် ဝင်ငွေရှိပါက ယင်းဝင်ငွေအား နုတ်ပယ်ပြီး ကျန်စည်းကြပ်မှုမှ လွတ်ကင်းနေသောဝင်ငွေအပေါ်တွင်လည်းကောင်း၊ ဝင်ငွေရလမ်းတင်ပြနိုင်ခြင်းမရှိပါက အသုံးပြုသည့်ဝင်ငွေအပေါ်တွင်လည်းကောင်း အောက်ဖော်ပြပါနှုန်းထားဖြင့် ဝင်ငွေခွန် စည်းကြပ်ရမည်-

                       ဖြစ်ပါသည်။

ကုမ္ပဏီအနေဖြင့် ပင်ရင်းမှနုတ်ယူပေးသွင်းသည့် အခွန်အား နုတ်ယူပေးသွင်းသည့် နေ့မှ ၁၅ ရက်အတွင်း သက်ဆိုင်ရာအခွန်ရုံး၏ ဘဏ်စာရင်းသို့ ပေးသွင်းရမည်ဖြစ်ပြီး မိမိအမည်ဖြင့်ပေးသွင်းခြင်း မပြုဘဲနုတ်ယူခြင်းခံရသူ၏ အမည်၊ လုပ်ငန်းအမည်ဖြင့် ပေးသွင်းရမည်။ ဤကဲ့သို့ ပေးသွင်းရန်ပျက်ကွက်ခဲ့ပါက အခွန်ဆိုင်ရာစီမံအုပ်ချုပ်မှု ဥပဒေ ပုဒ်မ (၇၄) ပုဒ်မခွဲ (ဂ) နှင့် (ဃ) တို့အရ ပင်ရင်းမှနုတ်ယူပေးသွင်းရန် သတ်မှတ်ခံထားရသူတစ်ဦးဦးသည့် လုံလောက်သောအကြောင်းမရှိဘဲ အခွန်ကို နုတ်ယူပေးသွင်း ခြင်းမပြုလျှင် ပျက်ကွက်သူအဖြစ်မှတ်ယူခြင်းခံရမည်ဖြစ်ပြီး နုတ်ယူ ခြင်းမပြုသည့် အခွန်အားပေးဆောင်ရန် တာဝန်ရှိစေမည်ဖြစ်ပါသည်။ ထို့အပြင် သတ်မှတ်ထားသည့်ရက် အတွင်း ပေးဆောင်ရန်ပျက်ကွက်ပါက ထိုသို့ပေးဆောင်ရန် ပျက်ကွက်သောပမာဏ၏ ၁၀ ရာခိုင်နှုန်းကို နောက်ကျပေးဆောင်ခြင်းအတွက် ဒဏ်ကြေးငွေပေးဆောင်ရမည် ဖြစ်ပါသည်။

ဝင်ငွေခွန်ဥပဒေ ပုဒ်မ ၃ ပုဒ်မခွဲ (ဒ) အရ အခြေပစ္စည်းမှမြတ်စွန်းငွေဆိုသည်မှာ အခြေပစ္စည်းကို ရောင်းချခြင်း၊ လဲလှယ်ခြင်း သို့မဟုတ် လွှဲပြောင်းခြင်းပြုလုပ်၍ ရရှိသောမြတ်စွန်းငွေကိုဆိုလိုသည်။ လွှဲပြောင်းခြင်းဆိုရာ၌ အမွေဆက်ခံခြင်းနှင့် အဖိုးစားနားမပါဘဲ မေတ္တာဖြင့်ပေးကမ်းခြင်း၊ လှူဒါန်းခြင်းတို့မပါဝင်စေရဟု အဓိပ္ပါယ် ဖွင့်ဆိုထားပါသည်။ ၂၀၂၂ ခုနှစ်၊ ပြည်ထောင်စု၏အခွန်အကောက်ဥပဒေ ပုဒ်မ ၂၈ အရ မည်သူမဆို နှစ်တစ်နှစ်အတွင်း အခြေပစ္စည်းဖြစ်သည့် ရွေ့ပြောင်းနိုင်သည့် ယာဉ်၊ အစုရှယ်ယာ၊ မတည်ပစ္စည်းအစရှိသည်တို့နှင့် မရွေ့ပြောင်းနိုင်သည့် အိမ်၊ မြေ၊ အဆောက်အဦး၊ မ-တည်ပစ္စည်း အစရှိတို့ကို တစ်ခု သို့မဟုတ် အခြား တစ်နည်းနည်းဖြင့် လွှဲပြောင်းခြင်းပြုလုပ်လျှင် ဘဏ္ဍာနှစ်တစ်နှစ်အတွင်း အခြေပစ္စည်း တန်ဖိုးစုစုပေါင်းသည် ကျပ်သိန်း ၁၀၀ ထက်ကျော်လွန်ပါက အခြေပစ္စည်းမှ မြတ်စွန်းငွေခေါင်းစဉ်ဖြင့် ဝင်ငွေခွန်ပေးဆောင်ရမည်ဖြစ်သည်။ ဝင်ငွေခွန်ဥပဒေ ပုဒ်မ ၁၆-က ပုဒ်မခွဲ (ခ) အရ အခြေပစ္စည်းမှ မြတ်စွန်းငွေခေါင်းစဉ်ဖြင့် အခြေပစ္စည်းကို ရောင်းချခြင်း၊ လဲလှယ်ခြင်း သို့မဟုတ် အခြားတစ်နည်းနည်းဖြင့် လွှဲပြောင်းခြင်း ပြုလုပ်သည့်နေ့မှ ရက်ပေါင်း ၃၀ အတွင်း အခြေပစ္စည်းမှမြတ်စွန်းငွေအပေါ် ကျသင့် အခွန်ကို ခန့်မှန်းတွက်ချက်ပေးသွင်းရမည် ဟုပြဋ္ဌာန်းထားပြီး ဝင်ငွေခွန် နည်းဥပဒေ ၅ နည်းဥပဒေခွဲ (က) အရအခြေပစ္စည်းမှမြတ်စွန်းငွေ ဝင်ငွေကြေညာလွှာကို အခြေပစ္စည်း ရောင်းချခြင်း၊ လဲလှယ်၊ လွှဲပြောင်းသည့် နေ့မှ ရက်ပေါင်း ၃၀ အတွင်းတင်သွင်း ရမည်ဖြစ်ပါသည်။ ထိုသို့ သတ်မှတ်ထားသည့်နေ့ရက်အတွင်း ကြေညာလွှာတင်သွင်း ရန် ပျက်ကွက်ခြင်းဖြစ်ပါက အခွန်ဆိုင်ရာ စီမံအုပ်ချုပ်မှုဥပဒေ ပုဒ်မ ၆၇ ပုဒ်မခွဲ (က) ပုဒ်မခွဲငယ် (၁) နှင့် (၂) အရ အောက်ပါ ဒဏ်ကြေးငွေကို ပေးဆောင်ရမည်-

(၁)    ပေးဆောင်ရမည့် အခွန်ပမာဏ၏ ၅ ရာခိုင်နှုန်း အပြင် တင်သွင်းရန် သတ်မှတ် ထားသည့်နေ့ရက်မှ ညွှန်ကြားရေးမှူးချုပ်က စည်းကြပ်မှုပြုလုပ် သည့် အချိန်ကာလအထိ ကြေညာလွှာတင်သွင်းရန် ဆက်လက်ပျက်ကွက် နေသည့် တစ်လ ချင်းစီအတွက်  သို့မဟုတ် တစ်လအစိတ်အပိုင်းအတွက် ပေးဆောင်ရမည့် အခွန်ပမာဏ၏ ၁ ရာခိုင်နှုန်း၊

(၂)    ကျပ်တစ်သိန်း၊

အိမ်နှင့်မြေ ရောင်းချခြင်းနှင့်ပတ်သက်၍ ကာလတန်ဖိုးစိစစ်သတ်မှတ်ခြင်း၊ ကြေညာလွှာ တင်သွင်းခြင်း၊ အခွန်ပေးဆောင်ခြင်းစသည့် လုပ်ငန်းစဉ်များကို ဆောင်ရွက်ရန်လိုအပ် မည်ဖြစ်ပါသည်။ အခြေပစ္စည်းတည်ရှိသည့် သက်ဆိုင်ရာမြို့နယ်အခွန်ရုံးသို့ ဝင်ငွေ ကြေညာလွှာတင်သွင်းရမည်ဖြစ်ပါသည်။ အခြေပစ္စည်းရောင်းချခြင်းဖြစ်ပါက အခြေပစ္စည်း လွှဲပြောင်းရောင်းချသည့်နေ့မှ ရက်ပေါင်း ၃၀ အတွင်း အခြေပစ္စည်း တည်ရှိရာ သို့မဟုတ် မိမိနေထိုင်သည့် သက်ဆိုင်ရာမြို့နယ်အခွန်ရုံးသို့ ဝင်ငွေကြေညာလွှာ တင်သွင်း ခြင်းနှင့် ကျသင့်အခွန်ကို ခန့်မှန်းတွက်ချက်ပေးသွင်းခြင်းတို့ကို ဆောင်ရွက်ရပါမည်။ သတ်မှတ်ပေးထားသည့် ကာလတန်ဖိုးအပေါ် မူလအဝယ်တန်ဖိုးနှင့် ယင်း ပစ္စည်း လွှဲပြောင်းရောင်းချရာတွင် ဖြည့်စွက်အသုံးပြုခဲ့ရသည့် ကုန်ကျစရိတ်များအား ခွင့်ပြု နုတ်ပယ်ပြီး ၂၀၂၂ ခုနှစ်၊ ပြည်ထောင်စု၏အခွန်အကောက်ဥပ‌ဒေ ပုဒ်မ ၂၇၊ ပုဒ်မခွဲ (ခ) အရ မြတ်စွန်းငွေအပေါ် ၁၀% ဖြင့် ဝင်ငွေခွန်ပေးဆောင်ရမည်ဖြစ်ပါသည်။

ကုမ္ပဏီမှ အဆောက်အဦအားထပ်ဆင့်ငှါးရမ်းခြင်းအတွက် ငှါးရမ်းခ ဝင်ငွေအပါအဝင် ကုမ္ပဏီ၏ စုစုပေါင်းဝင်ငွေအပေါ် ၂၀၂၂ ခုနှစ်၊ ပြည်ထောင်စု၏အခွန်အကောက်ဥပဒေ ပုဒ်မ ၂၃၊ ပုဒ်မခွဲ (က) ၏ စဉ် (၁) အရ သက်သာခွင့်များနုတ်ပယ်ခြင်းမပြုဘဲ စုစုပေါင်း အသားတင်အမြတ်ဝင်ငွေအပေါ် ၂၂ ရာခိုင်နှုန်းဖြင့် ဝင်ငွေခွန်စည်းကြပ်မှု ခံယူရမည် ဖြစ်ပြီး ၂၀၂၂ ခုနှစ်၊ ပြည်ထောင်စု၏အခွန်အကောက်ဥပ‌ဒေ ပုဒ်မ ၁၄၊ ပုဒ်မခွဲ (ဃ) ပါ ကုန်သွယ်လုပ်ငန်းခွန်မကျသင့်သည့် ဝန်ဆောင်မှု (၃၃) မျိုးတွင် မပါဝင်သဖြင့် ကုန်သွယ်လုပ်ငန်းခွန်မကျသင့်မည်ဖြစ်ပြီး ငှါးရမ်းခရငွေ၏ ငါး ရာခိုင်နှုန်း ကုန်သွယ် လုပ်ငန်းခွန်ကို ငှါးရမ်းသူထံမှ တစ်ပါတည်းကောက်ခံပြီး ပေးဆောင်ရမည် ဖြစ် ကြောင်း ဖြေကြားပါသည်။

ပင်ရင်းမှနုတ်ယူပေးသွင်းသည့်အခွန်နှင့်စပ်လျဉ်း၍ တင်ဒါအောင်မြင်သူများအနေဖြင့် အစိုးရဌာနအဖွဲ့အစည်းများနှင့် သဘောတူစာချုပ်ချုပ်ဆိုရာတွင် တံဆိပ်ခေါင်းခွန်ကို မြန်မာနိုင်ငံတံဆိပ်ခေါင်းအက်ဥပဒေ၏ ဇယား (၁) အမှတ်စဉ် ၅ (ဂ) အရ တန်ဖိုး အပေါ် ၁% ပေးဆောင်ရပါမည်။ သို့ရာတွင် အများဆုံးပေးဆောင်ရမည့် တံဆိပ်ခေါင်းခွန် မှာ ကျပ် ၁၅၀,၀၀၀ ဖြစ်ပါသည်။ ထိုက်သင့်သည့်တံဆိပ်ခေါင်းခွန် အား တင်ဒါအောင်မြင်သူက ပေးဆောင်ရမည်ဖြစ်ပါသည်။ ဝင်ငွေခွန်နှင့်စပ်လျဉ်း၍ ပင်ရင်းမှ နုတ်ယူပေးသွင်းသည့် အခွန်ကိုလည်း ငွေပေးချေသည့်အချိန်တွင် စီမံကိန်းနှင့် ဘဏ္ဍာရေးဝန်ကြီးဌာန၏ အမိန့်ကြောငြာစာအမှတ် - ၄၇/၂၀၁၈ အရ အစိုးရဌာန အဖွဲ့အစည်းများသည် တင်ဒါစနစ်ဖြင့် နိုင်ငံတော်အတွင်း ပစ္စည်း ဝယ်ယူခြင်း၊ လုပ်ငန်း ဆောင်ရွက်ခြင်း၊ ဝန်ဆောင်မှုဆောင်ရွက်ပေးခြင်းတို့အတွက် ၂% နုတ်ယူ၍ တင်ဒါ အောင်မြင်သူအမည်ဖြင့် ပေးဆောင်ရမည်ဖြစ်ပါသည်။ ၎င်း အပြင် ကုန်သွယ် လုပ်ငန်းခွန်နှင့်စပ်လျဉ်း၍ တင်ဒါအောင်မြင်သူများအနေဖြင့် နှစ်စဉ် ပြဋ္ဌာန်းသည့် ပြည်ထောင်စု၏အခွန်အကောက်ဥပဒေ ပုဒ်မ ၁၄၊ ပုဒ်မခွဲ (က) ပါ ကုန်စည်များ၊ ပုဒ်မခွဲ (ဃ) ဝန်ဆောင်မှုများအတွက် တင်ဒါ ရရှိခြင်းဖြစ်ပါက ကုန်သွယ်လုပ်ငန်းခွန် ပေးဆောင်ရန် မလိုအပ်သော်လည်း အဆိုပါ ကုန်စည်နှင့် ဝန်ဆောင်မှုများမှအပ ကျန်ကုန်စည်နှင့် ဝန်ဆောင်မှုလုပ်ငန်းများ ဆောင်ရွက်ခြင်း အတွက် တင်ဒါရရှိခြင်း ဖြစ်ပါက ကုန်သွယ်လုပ်ငန်းခွန် ၅% ကို တင်ဒါအောင်မြင် သူအမည်ဖြင့် သက်ဆိုင်ရာ အခွန်စည်းကြပ်မှုခံယူသည့်ရုံးတွင် ပေးဆောင် ရမည်ဖြစ် ကြောင်း‌ ဖြေကြားပါသည်။

စီမံကိန်းနှင့်ဘဏ္ဍာရေးဝန်ကြီးဌာန၏ ၁၈-၆-၂၀၁၈ ရက်စွဲပါ အမိန့်ကြော်ငြာစာ အမှတ် ၄၇/၂၀၁၈ ပါ ဇယားအမှတ်စဉ် (ခ) အရ လိုင်စင်၊ ကုန်အမှတ်တံဆိပ်၊ မူပိုင်အခွင့်အရေး စသည်တို့ကို အသုံးချခွင့်ပြုသည့်အတွက် ပေးချေငွေနှင့်စပ်လျဉ်း၍ ပြည်တွင်းနေ (နိုင်ငံသား/ နိုင်ငံခြားသား) အတွက် ပေးချေငွေ အပေါ်ပင်ရင်းမှ နုတ်ယူပေးသွင်းသည့် အခွန် ၁၀% ဖြတ်တောက်ပေးသွင်းရမည်ဖြစ်ပြီး ပြည်ပနေ (နိုင်ငံခြားသား) သို့ပေးချေ ပါက ပေးချေငွေအပေါ် ပင်ရင်းမှဖြတ်တောက်ပေးသွင်း သည့် အခွန် ၁၅% ဖြတ်တောက် ပေးသွင်းရမည်ဖြစ်ပါသည်။ ယင်းသို့ နုတ်ယူပေးသွင်း ရာတွင် နုတ်ယူပေးသွင်းသူ၏အမည် ဖြင့် ပေးသွင်းခြင်းမပြုဘဲ နုတ်ယူပေးသွင်းခြင်း ခံရသူ(ငွေလက်ခံရရှိသူ) ၏ အမည် သို့မဟုတ် လုပ်ငန်းအမည်ဖြင့် သက်ဆိုင်ရာ အခွန်ရုံး၏ ဘဏ်စာရင်းသို့ ပေးသွင်းရမည် ဖြစ်ပါသည်။ သို့ရာတွင် ပြည်ပနေ နိုင်ငံခြားသားသို့ ပေးချေရမည်ဆိုပါက လိုက်နာ ကျင့်သုံးရန် သတ်မှတ်ချက် ၁/၂၀၂၂ ကို (၉-၆-၂၀၂၂) ရက်စွဲဖြင့်ထုတ်ပြန်ထားပြီးဖြစ်၍ ထုတ်ပြန်ချက်နှင့်အညီ ဆောင်ရွက်ရမည်ဖြစ်ပါသည်။

ပြည်ပနေနိုင်ငံခြားသားသို့ပေးချေငွေဖြစ်ပါက ပေးချေငွေအားလုံးအပေါ် အမိန့်ကြော်ငြာ စာအမှတ် - ၄၇/၂၀၁၈ ပါ သတ်မှတ်ချက်များနှင့်အညီပင်ရင်းမှ နုတ်ယူပေးသွင်း ရသည့် အခွန်ကို နုတ်ယူပေးသွင်းရမည်ဖြစ်ပါသည်။ အခွန်ထမ်းများအနေဖြင့် ပြည်ပနေနိုင်ငံခြားသားသို့ ငွေပေးချေသည့်အခါ ပင်ရင်းမှနုတ်ယူပေးသွင်းရမည် ဖြစ်ပါသည်။ အခွန်ထမ်းများအနေဖြင် ပြည်ပနေနိုင်ငံခြားသားသို့ ငွေပေးချေသည့် အခါ ပင်ရင်းမှ နုတ်ယူပေးသွင်းရမည့် ဝင်ငွေခွန်(WT) ပင်ရင်းမှ နုတ်ယူပေးသွင်း ရမည့်ကိစ္စနှင့်စပ်လျဉ်း ၍ သက်ဆိုင်ရာအခွန်ရုံးများသို့ အထောက်အထားများ တင်ပြ၍ အတည်ပြုချက်ရယူ ဆောင်ရွက်သွားရမည်ဖြစ်ကြောင်း လိုက်နာကျင့်သုံး ရန် သတ်မှတ်ချက်အမှတ် ၁/၂၀၂၂ ဖြင့် လိုက်နာကျင့်သုံးရန် သတ်မှတ်ချက် ၂/၂၀၂၀ ကို လွှမ်းမိုးပယ်ဖျက်ပြီးဖြစ်၍ ပြည်တွင်းအခွန်များဦးစီးဌာန၏ website ဖြစ်သော www.ird.gov.mm ၏ policy & law ထဲတွင် ဝင်ရောက်လေ့လာကြည့်ရှုနိုင်မည် ဖြစ်ပါသည်။

မြန်မာနိုင်ငံနှင့် အခွန်နှစ်ထပ်မကျသင့်စေရေး စာချုပ်ချုပ်ဆိုထားသည့် နိုင်ငံများမှာ ဖော်ပြပါအတိုင်းဖြစ်ပါသည်-

(က)  အိန္ဒိယ

(ခ)    လာအို

(ဂ)    မလေးရှား

(ဃ)  ကိုရီးယား

(င)    စင်္ကာပူ

(စ)    ထိုင်း

(ဆ)  UK(United Kingdom)

(ဇ)    ဗီယက်နမ်နိုင်ငံတို့ဖြစ်ပြီး

မြန်မာနိုင်ငံနှင့် အခွန်နှစ်ထပ်မကျသင့်စေရေး ADTA စာချုပ်ချုပ်ဆိုထားသည့်နိုင်ငံ၏ ကုမ္ပဏီအနေဖြင့် ADTA အကျိုးခံစားလိုပါက သက်ဆိုင်ရာအခွန်ရုံးဖြစ်သော အလယ် အလတ်အခွန်ထမ်းများဆိုင်ရာအခွန်ရုံး (၂) ရုံးသို့ အောက်ဖော်ပြပါ အချက်များ ဖြစ် သည့်-

(၁)    ADTA အရ အကျိုးခံစားခွင့် လျှောက်ထားလိုသည့်ကုမ္ပဏီ၏အမည်၊

(၂)    အမြဲတမ်းလိပ်စာ၊ ဖုန်းနံပါတ်၊ လုပ်ငန်း website လိပ်စာနှင့် e-mail လိပ်စာ၊

(၃)    မြန်မာနိုင်ငံ၌ လုပ်ငန်းဆောင်ရွက်သည့်နေရာ/ ဒေသ/ လိပ်စာ၊

(၄)    ကုမ္ပဏီမှတ်ပုံတင်အမှတ်နှင့် ဖွဲ့စည်းတည်ထောင်ရာနေရာ၊

(၅)    ဒါရိုက်တာအဖွဲ့ဝင်များနှင့် အစုရှယ်ယာပိုင်ဆိုင်မှု၊

(၆)    တွဲဖက်လုပ်ကိုင်သည့်ကုမ္ပဏီ (ဖြစ်ပါက) အုပ်စုအမည်၊

(၇)    တွဲဖက်လုပ်ကိုင်သည့် ကုမ္ပဏီများ (Assiociates)၊

(၈)    ADTA အရ အကျိုးခံစားခွင့် လျှောက်ထားရယူသူ၏ဌာနေပုဂ္ဂိုလ် ဖြစ်ရာနိုင်ငံ အမည်၊ ရည်ညွှန်းလိုသည့် ADTA ၏ အခန်း (Article) နှင့် အကြောင်းအရင်း၊

(၉)    ဝင်ငွေခွန်ဥပဒေအရ အခွန်ကျသင့်မည့် ပေးချေငွေအမျိုးအစား၊ ကျသင့် မည့် အခွန်နှုန်းထားနှင့် အခွန်စုစုပေါင်း၊

(၁၀)  ADTA အရတောင်းဆိုသည့် အခွန်နှုန်းထားနှင့်အခွန်စုစုပေါင်း

(၁၁)  လုပ်ငန်းသဘောတူစာချုပ် (စာချုပ်အရဆောင်ရွက်ခြင်းဖြစ်ပါက)

(၁၂)  လုပ်ငန်းစတင်သည့်ရက်စွဲ

(၁၃)  လုပ်ငန်းပြီးဆုံးသည့်ရက်စွဲ

(၁၄)  လျှောက်ထားလိုသည့်ကုမ္ပဏီ၏ ပင်မလုပ်ငန်း၊

(၁၅) မြန်မာနိုင်ငံအတွင်းဆောင်ရွက်သည့်ပင်မလုပ်ငန်း၊

(၁၆)  မြန်မာနိုင်ငံပြင်ပ သို့မဟုတ် မြန်မာနိုင်ငံအတွင်း ဆောင်ရွက်ပေး သည့် လုပ်ငန်း နှင့်ပတ်သက်သည့် အသေးစိတ်ဖော်ပြချက်၊

(၁၇)  မြန်မာနိုင်ငံအတွင်း သို့မဟုတ် မြန်မာနိုင်ငံပြင်ပမှ ရရှိသည့် ဝင်ငွေ အမျိုးအစား ပမာဏ၊

(၁၈)  ငွေပေးချေမှုပုံစံ၊

(၁၉)  အကျိုးခံစားခွင့်လျှောက်ထားရယူသူ၏ သက်ဆိုင်ရာနိုင်ငံတွင် မည်သည့် ကာလအထိ အခွန်စာရင်း ရှင်းလင်းပြီးကြောင်း ဖော်ပြရန်၊

(၂၀)  သက်ဆိုင်ရာနိုင်ငံ၏ အခွန်ထမ်းဖြစ်ကြောင်း(CERTIFICATION of Residence – COR) အတည်ပြုချက်အထောက်အထားတို့ဖြင့် ပူးတွဲ တင်ပြလျှောက်ထားရ မည် ဖြစ်ပါသည်။