စီးပွားရေးလုပ်ငန်းတစ်ခုအနေဖြင့် စီမံကိန်း၊ ဘဏ္ဍာရေးနှင့် စက်မှုဝန်ကြီးဌာန၏ အမိန့် ကြော်ငြာစာအမှတ်၊ ၆၅/၂၀၂၀ ပါ အခွန်ခုနှိမ်ခွင့်နှင့် စရိတ်ခွင့်ပြုခြင်းကို တစ်ပြိုင်တည်း ခံစားခွင့်ရှိပါသည်။

နိုင်ငံတော်သမ္မတရုံး၏ ဥပဒေကဲ့သို့အာဏာတည်သောအမိန့်အမှတ်၊ ၁/၂၀၂၀ ပါ ခွင့်ပြု ချက်များသည် စီးပွားရေးလုပ်ငန်းများနှင့်သာ သက်ဆိုင်ပါသည်။

နိုင်ငံတော်သမ္မတရုံး၏ ဥပဒေကဲ့သို့အာဏာတည်သောအမိန့်အမှတ်၊ ၁/၂၀၂၀ ပါ “ထပ်တိုး ပေးချေရသည့် လုပ်ခ၊ လစာ”ဆိုသည်မှာ အောက်ဖော်ပြပါကိစ္စရပ်တစ်ခုခုကြောင့် ၂၀၁၉-၂၀၂၀ ဝင်ငွေနှစ်တွင် ယင်းဝင်ငွေနှစ်မတိုင်မီ ကပ်လျက်ရှိသော ဝင်ငွေနှစ် (ယခင်နှစ်) ထက် ပိုမိုပေးချေရသည့် လုပ်ခ၊ လစာကိုဆိုလိုခြင်းဖြစ်ပါသည်-

(က)ယခင်နှစ်နှင့်တူညီသော ဝန်ထမ်းဦးရေရှိ ဝန်ထမ်းများ၏ လုပ်ခ၊ လစာ များအား တိုးမြှင့်ပေးခြင်းကြောင့် လုပ်ခ၊ လစာစရိတ်မြင့်တက်ခြင်း၊

(ခ)ဝန်ထမ်းအင်အား တိုးချဲ့ခြင်းကြောင့် လုပ်ခ၊ လစာမြင့်တက်ခြင်း။

COVID-19 ကာလအတွင်း ပြည်တွင်းအခွန်များဦးစီးဌာနက အခွန်ထမ်းများ၏ အခွန်ဆိုင်ရာကိစ္စရပ်များဆောင်ရွက်ရာတွင် ကမ္ဘာ့ကပ်ရောဂါအား ကြိုတင်ကာကွယ်သည့်အနေဖြင့် အောက်ပါတို့ကို ဆောင်ရွက်ပေးခဲ့ပါသည် - (က)သက်ဆိုင်ရာအခွန်ရုံးများတွင် လက်ဆေးကန်၊ လက်ဆေးဆပ်ပြာ၊ Mask များ စီစဉ်ပေးခြင်း၊ လုပ်ငန်းဆောင်ရွက်ရာတွင် ကျန်းမာရေးဝန်ကြီးဌာန၏ သတ်မှတ်ချက်များနှင့်အညီ စီစဉ်ဆောင်ရွက်ပေးခြင်း၊

(ခ)SAS စနစ်သို့ ကူးပြောင်းသည့် အခွန်ရုံးများတွင် ၂၀၂၀ ပြည့်နှစ်၊ မတ်လ နောက်ဆုံးအပတ်မှစ၍ အခွန်ထမ်းမှတ်ပုံတင်ပုံစံနှင့် သတင်းအချက်အလက်တောင်းခံလွှာပုံစံများအား e-mail ဖြင့် လက်ခံပေးခြင်း၊

(ဂ)SAS ရုံးများတွင် သုံးလပတ်ကြေညာလွှာ တင်သွင်းသည့်ကိစ္စများအား အခွန်ရုံးသို့ လူကိုယ်တိုင်လာရောက်တင်သွင်းရန်မလိုဘဲ e-mail ဖြင့် လက်ခံဆောင်ရွက်ပေးခြင်း၊

(ဃ)COVID-19 ဖြစ်ပွားမှုကြောင့် လစဉ်လစာဝင်ငွေခွန်ပေးသွင်းရန် ကြုံတွေ့နေရသည့် အခက်အခဲများကို ကုစားပေးနိုင်ရန်ရည်ရွယ်၍ အခွန်ပေးဆောင်ရမည့်အချိန်ကို တိုးမြှင့်ပေးစေလိုကြောင်း အခွန်ဆိုင်ရာစီမံအုပ်ချုပ်မှုဥပဒေ ပုဒ်မ ၄၄၊ ပုဒ်မခွဲ(က)နှင့် အညီ သက်ဆိုင်ရာအခွန်ရုံးသို့ လျှောက်ထားလာပါက လစဉ်ပေးဆောင်ရမည့် လစာဝင်ငွေခွန်ကို သုံးလ တစ်ကြိမ် ပေးသွင်းခွင့်ပြုခြင်း၊

(င)Mobile Banking စနစ်အား ပိုမိုဖွံ့ဖြိုးတိုးတက်လာစေရန် စီစဉ်ဆောင်ရွက်ပေးခြင်း၊ (၂၀၂၀ ပြည့်နှစ် ဇန်နဝါရီလတွင် CB Pay တစ်မျိုးသာ အသုံးပြုနိုင်သော်လည်း၊ ၂၀၂၀ ပြည့်နှစ် မေလတွင် AYA Pay အား လည်းကောင်း၊ ဇွန်လတွင် SaiSai Pay၊ KBZ Pay များအားလည်းကောင်း အသုံးပြု၍ အခွန်ငွေများပေးဆောင်နိုင်ပြီဖြစ်ပါသည်။

လုပ်ငန်းစီမံချက်ခေါင်းစဉ် ၂.၁.၅ ပါ သတ်မှတ်ချက်များသည် စီးပွားရေးလုပ်ငန်းများ အားလုံးနှင့်သက်ဆိုင်သည့် ခံစားခွင့်ဖြစ်ပါသည်။

ပို့ကုန်အပေါ် ဝင်ငွေခွန် ၂ % ကင်းလွတ်ခွင့်ပြုသည့် အမိန့်ကြော်ငြာစာအမှတ်၊ ၃၈/၂၀၂၀ ၏ အကျိုးသက်ရောက်သည့် ကာလမှာ ၁-၄-၂၀၂၀ နေ့မှ ၃၀-၉-၂၀၂၀ နေ့အထိ အကျိုး သက်ရောက်မည် ဖြစ်ပါသည်။

အမိန့်ကြော်ငြာစာအမှတ်၊ ၃၈/၂၀၂၀ သည် ပို့ကုန်အပေါ် ကောက်ခံသည့် ကြိုတင် ဝင်ငွေခွန် ၂ % ကိုသာ ကင်းလွတ်ခွင့်ပြုခြင်းဖြစ်ပါသည်။

COVID-19 အစီအစဉ်အရ တိုးမြှင့်ပေးထားသည့် သတ်မှတ်ရက်အတွင်း အခွန်ပေးသွင်း ရန်ပျက်ကွက်ခြင်းအတွက် အခွန်ဆိုင်ရာစီမံအုပ်ချုပ်မှုဥပဒေ ပုဒ်မ ၇၄၊ ပုဒ်မခွဲ (ခ)အရ ပေးဆောင်ခြင်းမရှိသေးသည့် အခွန်၏ ၁၀ ရာခိုင်နှုန်းနှင့် ညီမျှသည့်ပမာဏကို နောက်ကျ ပေးဆောင်မှု ဒဏ်ကြေးငွေအဖြစ် ပေးဆောင်ရမည်ဖြစ်ပါသည်။ တိုးမြှင့်သတ်မှတ် ပေးထားသည့်ရက်အတွင်း ပေးဆောင်ခဲ့ပါက ဒဏ်ငွေ မကျသင့်ပါ။

(က)              စီမံကိန်း၊ ဘဏ္ဍာရေးနှင့် စက်မှုဝန်ကြီးဌာန၏ ကြေညာချက်အမှတ်၊ ၁/၂၀၂၀ အရ အခွန်ပေးသွင်းရန်တိုးမြှင့်သတ်မှတ်ပေးထားသည့်ရက်များမှာ အောက်ပါ အတိုင်းဖြစ်ပါသည် -

(၁)     ဝင်ငွေခွန်ဖြစ်လျှင် ၂၀၂၀ ပြည့်နှစ်၊ ဇန်နဝါရီလ (၁)ရက်နေ့မှ မတ်လ ၃၁ ရက်နေ့အထိ ဒုတိယသုံးလပတ်ကာလအတွက် ဥပဒေအရ အခွန်ပေးသွင်း ရမည့်ရက်မှာ ဧပြီလ ၁ ရက်နေ့မှ ၁၀ ရက်နေ့အတွင်းဖြစ်ပြီး၊ ၂၀၂၀ ပြည့်နှစ်၊ ဧပြီလ ၁ ရက်နေ့မှ ဇွန်လ ၃၀ ရက်နေ့အထိ တတိယသုံးလပတ် ကာလအတွက် ဥပဒေအရ အခွန်ပေးသွင်းရမည့် သတ်မှတ်ရက်မှာ ဇူလိုင် လ ၁ ရက်နေ့မှ ၁၀ ရက်နေ့အတွင်း ဖြစ်ပါသည်၊

(၂)      အဆိုပါသတ်မှတ်ရက်များကို ၂၀၂၀ ပြည့်နှစ်၊ စက်တင်ဘာလမကုန်ဆုံးမီ ပေးဆောင်နိုင်ကြောင်း အခွန်ဆိုင်ရာစီမံအုပ်ချုပ်မှုဥပဒေ ပုဒ်မ ၄၄၊ ပုဒ်မခွဲ(ခ)ပါ လုပ်ပိုင်ခွင့်အရ တိုးမြှင့်သတ်မှတ်ပေးခဲ့ခြင်းဖြစ်ပါသည်၊

(၃)     ကုန်သွယ်လုပ်ငန်းခွန်ဖြစ်လျှင် ၂၀၂၀ ပြည့်နှစ်၊ မတ်လအတွက်မှစပြီး ၂၀၂၀ ပြည့်နှစ်၊ သြဂုတ်လအတွက်အထိ လစဉ်ပေးသွင်းရမည့် ကုန်သွယ် လုပ်ငန်းခွန်ကို ၂၀၂၀ ပြည့်နှစ်၊ စက်တင်ဘာလ မကုန်ဆုံးမီကာလအတွင်း ပေးဆောင်ခွင့်ပြုခြင်း ဖြစ်ပါသည်။

(ခ)     လစာဝင်ငွေခွန်အား သုံးလတစ်ကြိမ် ပေးသွင်းခွင့်ပြုရန် အခွန်ဆိုင်ရာစီမံအုပ် ချုပ်မှုဥပဒေ ပုဒ်မ ၄၄၊ ပုဒ်မခွဲ(က)နှင့်အညီ ပြည်တွင်းအခွန်များဦးစီးဌာနသို့ လျှောက်ထားပါက အခွန်ပေးဆောင်မည့်ရက် တိုးမြှင့်သတ်မှတ်ပေးမည်ဖြစ်ပါ သည်။